Nirnayasindhu 43.4

43.4

”
mādhavīye vaikhānasaḥ-“mātṛbhairavavārāhanarasiṃhatrivikramāḥ | mahiṣāsurahantryaśca sthāpyā vai
dakṣiṇāyane ||” vaiśabdo'pyarthe || liṅgapratiṣṭhāyāṃ viśeṣaḥ hemādrau lakṣaṇasamuccaye -“uttarāśāgate bhānau liṅgasthāpanamuttamam | dakṣiṇe tvayane pūjyaṃ trivarṣādvai bhayāvaham || svagṛhe
sthāpanaṃ neṣṭaṃ tasmādvai dakṣiṇāyane | sthāpanaṃ tu prakartavyaṃ śiśirādāvṛtutraye || prāvṛṣi
sthāpitaṃ liṅgaṃ bhavedvaradayo gadam | hemante-“jñānadā caiva śreṣṭhā syādayane muktimīhatām
dakṣiṇe tu mumukṣūṇāṃ malamāse na sā dvayoḥ ” iti || śaivasiddhānte--“śekharoktermuktikāmaṃ śiśireḥ garvabhūtidam | lakṣmīpradaṃ vasante ca grīṣme ca jayaśāntidam | yatīnāṃ
sarvakāle ca liṅgasyāropaṇaṃ matam ||”
ratnāvalyām-‘‘māghaphālgunavaiśākhajyeṣṭhāṣāḍheṣu pañcasu | māseṣu śuklapakṣeṣu liṅgasthāpanamuttamam ||’’ viṣṇurapyāha || tatraiva vaikhānasaḥ-‘‘mārgaśīrṣādimāsau dvau ninditau brahmaṇā
purā | māseṣu phālgunaḥ śreṣṭhaścaitro vaiśākha evaṃ ca || vṛṣe vāpyāśvayuṅmāse śrāvaṇe māsi
vā bhavet ||’’ baudhāyanasūtre viṣṇupratiṣṭhāmupakramya-‘dvādaśyāṃ śroṇāyāṃ vā yāni cānyāni
puṇyanakṣatrāṇi’ iti || kṛttikādiviśākhānteṣvityarthaḥ || sarvadeveṣu māsaviśeṣo hemādrau
viṣṇudharme-‘‘māghe karturvināśāya phālgune śubhadā bhavet | lokānandakarī caitre vaiśākhe
varasaṃyutā || ājñāyutā sadā jyeṣṭhe āṣāḍhe dharmavṛddhidā | śrāvaṇe dhanahīnā syāt prauṣṭhapade vinaśyati || āśvine nāśamāpnoti vahninā kārttike tathā | saumye saubhāgyamatulaṃ
pauṣe puṣṭistaruttamā || doṣānvitādhimāse syātkarturātmana eva ca