Nirnayasindhu 44.6

44.6

pañcasūtrīnirṇayaḥ
atha pañcasūtrīnirṇayaḥ gautamītantre-“liṅgamastakavistāro liṅgocchrāyasamo mataḥ | paridhistatra guṇitastadvatpīṭhaṃ vyavasthitam || pravālikā tathaiva syātpañcasūtravinirṇayaḥ ||”
atredantattvam || liṅgamastakavistāraṃ liṅgocchritāsamaṃ kṛtvā tatriguṇasūtraveṣṭanāhaṃ liṅgasthaulyaṃ kṛtvā tatsamaṃ vṛttaṃ caturasraṃ vā pīṭhaṃ vistāramadhyaścordhvaṃ ca kuryāt || pīṭhocchratā
tu liṃgocchritāto dviguṇā | pīṭhamadhye liṅgādviguṇasthūlaṃ pīṭhocchratā tṛtīyāṃśena kaṇṭhaṃ kṛtvā
tasyordhvaṃ adhaśca samaṃ praṣaḍvayaṃ trayaṃ vā kṛtvā liṅgavistāraṣaṣṭhāṃśena pīṭhopari bāhyamekhalāṃ
kṛtvā tadantaḥ saṃlagnatatsamaṃ khātaṃ kṛtvā pīṭhādvirhiliṅgasamadīrghā pītārdhadīrghā vā mūle
dairghyasamavistārāṃ tṛtīyāṃśena madhye khātāṃ pīṭhavatsamrekhalāṃ praṇālikāṃ kuryāditi”
atra mūlaṃ siddhāntaśekhare śaivāgame ca jñeyam
tithitattve brāhme- 'sarvatraiva praśastobjaḥ śivasūryārcanaṃ vinā ||' tatraiva vārāhapādmayoḥ"gṛhe liṅgadvayaṃ nārcyaṃ śālagrāmadvayaṃ tathā | dve cakre dvārakāyāstu nārcyaṃ sūryadvayaṃ tathā
śaktitrayaṃ tathā nārcyaṃ gaṇeśatrayameva ca | dvau śaṅkhau nārcayeccaiva bhagnāṃ ca pratimāṃ tathā
nārcayecca tathā matsyakūrmādidaśakaṃ tathā | gṛhe'gnidagdhā bhagnāśca nārcyāḥ pūjyā vasuṃdhare
etāsāṃ pūjanānnityamudvegaṃ prāpnuyādgṛhī || śālagrāmāḥ samāḥ pūjyāḥ sameṣu dvitayaṃ na
hi || viṣamā naiva pūjyāstu viṣameṣveka eva hi | śālagrāmaśilā bhagnā pūjanīyā sacakrakā || khaṇḍitā sphuṭitā vāpi śālagrāmaśilā śubhā"