Nirnayasindhu 44.3

44.3

vārāhe- "dadyādbhaktāya yo devi śālagrāmaśilāṃ naraḥ | suvarṇasahitāṃ divyāṃ pṛthvīdānaphalaṃ labhet |"
tatraiva- "yaḥ punaḥ pūjayedbhaktyā śālagrāmaśilāśatam | tatphalaṃ naiva śakto'haṃ vaktuṃ varṣaśatairapi ||" devīpurāṇe- "brāhmaṇaḥ kṣatriyo vaiśyaḥ śūdraśca pṛthivīpate | svadharmatatparo viṣṇumārādhayati nānyathā"
avibhaktānāṃ pṛthagdevapūjāmāha prayogapārijāte āśvalāyanaḥ- "pṛthagapyekapākānāṃ brahmayajño dvijātinām | agnihotraṃ surārcā ca saṃdhyā nityaṃ bhavet pṛthak" || tatraiva viṣṇudharme-"śālagrāmaśilāṃ vāpi cakrāṅkitaśilāṃ tathā | brāhmaṇaḥ pūjayennityaṃ kṣatriyādirna
pūjayet ||" idaṃ sparśasahitapūjāviṣayam || "śūdro vā'nupanīto vā striyo vā patitopi
vā | keśavaṃ vā śivaṃ vāpi spṛṣṭvā narakamaśnute || brāhmaṇyapi haraṃ viṣṇuṃ na spṛśecchreya.
icchatī | sanāthā mṛtanāthā vā tasyā nāstīha niṣkṛtiḥ | strīṇāmanupanītānāṃ śūdrāṇāñca
janeśvara | sparśane nādhikārosti viṣṇorvā śaṃkarasya ca”