Nirnayasindhu 49.2-2

49.2-2

” tristhalīsetau vṛddhagārgyaḥ- “ravyārasauravāreṣu rātrau pāte vratāhani | śrāddhāhaḥ
pratipadriktābhadrāḥ kṣaureṣu varjayet ||”
gārgyaḥ-“ṣaṣṭhyamāpūrṇimāpātacaturdaśyaṣṭamī tathā | āsu sannihitaṃ pāpaṃ triṣu taile bhage
kṣure ||” rājamārtaṇḍaḥ- “devakārye pituḥ śrāddhe raveraṃśaparikṣaye | kṣaurakarma na kurvīta janmamāse ca janmabhe ||” bṛhaspatiḥ- “rājakārye niyuktānāṃ narāṇāṃ bhūpajīvinām | śmaśrulomanakhacchede nāsti kālaviśodhanam ||” tathā- “kṣauraṃ naimittikaṃ kāryaṃ niṣedhe satyapi
dhruvam | pitrādimṛtidīkṣāsu prāyaścittaṃ ca tīrthake ||” kecittūttarārdhamanyathā paṭhanti-'muṇḍanasya niṣedhepi kartanaṃ tu vidhīyate ||'
nāradaḥ- “nṛpaviprājñayā yajñe maraṇe bandhamokṣaṇe | udvāhe'khilavārkṣeṣu tithiṣu kṣauramiṣṭadam||”
bhārate-“prāṅmukhaḥ śmaśrukarmāṇi kārayīta samāhitaḥ | udaṅmukho vātha bhūtvā tathāyurvindate mahat ||” aparārke- “udaṅmukhaḥ prāṅmukho vā vapanaṃ kārayetsudhīḥ | keśaśmaśrulomanakhānya udaksaṃsthāni vāpayet | dakṣiṇaṃ karṇamārabhya dharmārthaṃ pāpasaṃkṣaye | śikhādye
navasaṃskāre śikhādyantaṃ śiro vapet