Nirnayasindhu 49.2-3

49.2-3

tatra yatīnāṃ viśeṣaḥ
yatīnāṃ tu viśeṣo nigame-'kakṣopasthaśikhāvarjamṛtusaṃdhiṣu vāpayet' iti || anyepi
vidhipratiṣedhāḥ prāguktāḥ
athendhanasaṃgrahaḥ
"brahmānilārkamaghamūlatripūrvaraudrapauṣṇānurādhaguruviṣṇuviśākhayukte | vāre kujārkamṛgunandanasomajānāṃ śreṣṭhendhanasya karaṇaṃ bhavati praśastam ||"
atha navānnam
śrīpatiḥ-"revatīśrutipunarvasuhastabrāhmataḥ pṛthagapi dvitaye ca | tryuttareṣu gaditaṃ pṛthukānāṃ
prāśanaṃ navanavānnavidhānam ||"
atha navabhojanapātram
jyotirnibandhe-"bhojyapātraṃ sudhāsindhau ghaṭayedvā samāharet | tatrānnaprāśanaprokte kāle
bhojanamācaret ||"
atha navaparṇaphalādibhakṣaṇam
caṇḍeśvaraḥ-“mūlāśvimaitrakaratiṣyaharīndrabheṣu pauṣṇottarendvapunarvasuvāsaveṣu | vāreṣu bhūmitanayārkajavāravarjaṃ tāmbūlanūtanaphalādyaśanaṃ hitāya ||"
atha home āhutipātaḥ
jyotiṣe-“ taraṇividgurubhāskaricandramaḥ kujasurejyavidhaṃtudaketavaḥ | ravibhato dinabhaṃ
gaṇayetkramāt pratikhagaṃ tritayaṃ tritayaṃ nyaset || dinakarāṅkitamaḥkujaketavo hutabhujena
śubhāstvitare śubhāḥ| havanacakramidaṃ pravilokyatāṃ havanakarmaṇi sarvasamṛddhaye