Nirnayasindhu 5.6

5.6

iti || kecittu sphuṭān ślokān paṭhanti | tathā-“caitre tu
śuklapañcamyāṃ bhagavānmīnarūpadhṛk || jyeṣṭhe tu śukladvādaśyāṃ kūrmarūpadharo hariḥ || caitre
kṛṣṇe navamyāṃ tu harivārhāharūpadhṛk ||narasiṃhaścaturdaśyāṃ vaiśākhe śuklapakṣake||māsi bhādrapade
śukladvādaśyāṃ vāmano hariḥ | rādhaśuklatṛtīyāyāṃ rāmo bhārgavarūpadhṛka || caitraśuklanavamyāṃ
tu rāmo daśarathātmajaḥ | nabhasye tu dvitīyāyāṃ balabhadro'bhavaddhariḥ || śrāvaṇe bahule'ṣṭamyāṃ
kṛṣṇobhūllokarakṣakaḥ | jyeṣṭhe śukladvitīyāyāṃ bauddhaḥ kalkī bhaviṣyati || ” iti || kauṃkaṇāstu varāhapurāṇasthāni vākyāni paṭhanti-“āṣāḍhe śuklapakṣe tu ekādaśyāṃ mahātithau
jayantī matsyanāmnītiḥ tasyāṃ kāryamupoṣaṇam || nabhomāsi tṛtīyāyāṃ hariḥ kamaṭharūpadhṛk | nabhasyaśuklapañcamyāṃ varāhasya jayantikā || vaiśākhe tu caturdaśyāṃ nṛsiṃhaḥ
samapadyata | māsi bhādrapade śuklakādaśyāṃ vāmano hariḥ || vaiśākhe śuklapakṣe tu tṛtīyāyāṃ bhṛgūdvahaḥ | caitre navamyāṃ rāmo'bhūtkausalyāyāṃ paraḥ pumān || śrāvaṇe
bahule'ṣṭamyāṃ vāsudevo janārdanaḥ || pauṣaśukle tu saptamyāṃ kuryādbauddhasya pūjanam || māghaśuklatṛtīyāyāṃ kalkinaḥ pūjanaṃ hareḥ || prātaḥ prātastu madhyāhne
sāyaṃ sāyaṃ tathā niśi || madhyāhne madhyarātre ca sāyaṃ prātaranukramāt ”