Nirnayasindhu 56.3

56.3

" iti madanaratne bhaviṣyokteḥ
ata eva yājñavalkyaḥ-“brāhmaṇaprātiveśyānāmetadevānimantraṇe" iti guṇyatikrame
daśapaṇaṃ daṇḍamāha || āsannamātraparamidam | mūrkhe tu na doṣaḥ | "brāhmaṇātikramo
nāsti mūrkhe caiva vivarjite | jvalantamagnimutsṛjya na hi bhasmani hūyate" iti kātyāyanokteḥ viprasyāpi doṣaḥ 'avidvānpratigṛhṇāno bhasmībhavati dāruvat' iti manūkteḥ
aparārke atriḥ-“ṣaḍbhyastu puruṣebhyorvāgśrāddheyāstu gotriṇaḥ | ṣaḍbhyastu parato bhojyāḥ śrāddhe syurgotrajā api ||” etacca brāhmaṇālābhe apiśabdāt || asaṃve hemādrau
gautamaḥ-‘śiṣyāṃśraike sagotrāṃśca bhojayedūrdhvaṃ tribhyo guṇavataḥ |' āpastambaḥ-'brāhmaṇān bhojayedyonigotramantrāntevāsyasaṃbandhinaḥ | guṇahānyāṃ tu pareṣāṃ samuditaḥ sodaryopi bhojayitavyaḥ | etenāntevāsino vyākhyātāḥ' iti || atra viśeṣamāhātriḥ-“pitā
pitāmaho bhrātā putro vātha sapiṇḍakaḥ | na parasparamardhyāḥ syurna śrāddhe ṛtvijastathā
ṛtvikputrādayopyete sakulyā brāhmaṇāḥ smṛtāḥ| vaiśvadeve niyoktavyā yadyete guṇavattarāḥ
sagotrā na niyoktavyāḥ striyaścaiva viśeṣataḥ