Nirnayasindhu 56.9

56.9

” iti
varjyavipranirṇayaḥ
atha varjyāḥ || atra māmakāḥ ślokāḥ || “varjyān pravakṣye tvatha rogivairihīnādhikāṅgāna kitvāna kṛtaghnān | nakṣatraśāstreṇa ca jīvamānān bhaiṣajyavṛttyāpi ca rājabhṛtyān || saṃgītakāyasthakusīdavṛttyā vedakrayeṇāpi kavitvavṛttyā | devārcanenāpi ca jīvamānān svādhyāyadārānimutākṣikāṇān || durbālakhalvāṭakunakhyadharminaṭāṃśca paunarbhavakṛṣṇadantān | agāradāhī garadaḥ samudrayāyī ca kuṇḍāiyaśca kūṭakārī || bālāṃśca yodhyāpayate svaputrādavāptavidyastvatha kuṇḍagolau | agredidhiṣvāḥ patirastrakartā somakrayī tailikakekarākṣau || yuddhācāryaḥ pakṣiṇāṃ poṣakaśca srotobhettā vṛkṣasaṃropakaśca | meṣāṇāṃ vā māhiṣāṇāṃ ca puṣṭyā svīyastrīṣu prahitaiśca jāraḥ || jīvatyadhenuśca dattānuyogāt dravyaprāptyā vedamadghāṭayantaḥ | grāmayājipaśukeśavikrayistenaśilpipitṛvādakārakān || arthakāmarataśūdrayājakaśmaśruhīnajaṭimuṇḍanirghṛṇān | yasya caiva gṛhiṇī rajasvalā svārthapākakaraśāpadāyakān || klībakuṣṭhyativilohitekṣaṇān kubjavāmanamṛṣābhiśāpinaḥ
putrahīnamatha kūṭasākṣiṇaṃ pretahārikamayājyayājakam || svātmadātṛparivettṛyājakastenahiṃsakamukhān vivarjayet”