Nirnayasindhu 57.2-8
Nirṇayasindhu 57.2-8
- Language
- Sanskrit
57.2-8
” iti kāmadhenau varāhādyukteḥ || śrāddhakarturapi sāyaṃsaṃdhyāniṣedhamāhuḥ || śiṣṭāstu nirmūlatvamāhuḥ || homaniṣedhastu svaviṣayaḥ || “sūtake ca pravāse ca
hyaśaktau śrāddhabhojane | evamādinimitteṣu hāvayenna tu hāpayet” iti chaṃdogapariśiṣṭāt
tatraivādityapurāṇe-‘nimantritastu na śrāddhe kuryādbhāryāditāḍanam ||’ candrikāyāṃ pracetāḥ-“śrāddhabhuk prātarutthāya prakuryāddantadhāvanam || śrāddhakartā na kurvīta dantānāṃ dhāvanaṃ
budhaḥ ||” hemādrau jābāliḥ-“ dantadhāvanatāmbūle tailābhyaṅgamabhojanam | ratyauṣadhaparānnaṃ
ca śrāddhakṛtsapta varjayet ||” iti
viṣṇurahasye-“śrāddhopavāsadivase khāditvā dantadhāvanam | gāyatryā śatasaṃpūtamambu
prāśya viśuddhyati || punarbhojanamadhvānaṃ yānamāyāsamaithunam | dānapratigrahau homaṃ śrāddhabhuktvaṣṭa varjayet
Linked texts (3)
- Pracetassmṛti (fragments) — Sanskrit
- Smṛticandrikā — Devaṇṇabhaṭṭa, Sanskrit
- Nityācārapaddhati (Vidyākara vājapeyin) — Vidyākara vājapeyin, Sanskrit