Nirnayasindhu 57.2-9

57.2-9

” somotpattau-“vanaspatigate some yastu hiṃsyādvanaspatim
ghorāyāmbhrūṇahatyāyāṃ yujyate nātra saṃśayaḥ ||” etadvihitedhrmātirekeṇa-“vanaspatigate
some manthānaṃ yastu kārayet | gāvastasya praṇaśyanti cirakālamupasthitāḥ ||”
vanaspatigatasvarūpamāha pṛthvīcandrodaye vyāsaḥ-“trimuhūrtaṃ vasedarka trimuhūrtaṃ vasejale
trimuhūrtaṃ vasedgoṣu trimuhūrtaṃ vanaspatau ||” kalikāyāṃ vṛddhamanuḥ-‘nimantrya vipraṃstadaharvarjayenmaithunaṃ kṣuram | pramattatāṃ ca svādhyāyaṃ krodhāśauce tathā'nṛtam ||’ kecinnamantraṇāt
pūrvaṃ śuddhayarthaṃ pūrvehni kṣauraṃ kurvanti tatra mūlaṃ mṛgyam
marīciḥ- "ṣaṣṭhyāṃ parvasu pakṣādau riktābhadrātithiṣvapi | pāte śrāddhe vratāhe ca kṣauraṃ varjya
niśāsu ca ||” yadā karturaśaktyā tatputraśiṣyādiḥ śrāddhaṃ karoti tadā kartrā pratinidhinā ca prāguktaniyamāḥ kāryāḥ || "na śaknoti svayaṃ kartuṃ yadā hyanavakāśataḥ | śrāddhaṃ
śiṣyeṇa putreṇa tadānyenāpi kārayet || niyamānācaretsopi niyatāṃśca vasuṃdhare | yajamānopi tānsarvānācaretsusamāhitaḥ