Nirnayasindhu 58.2-4

58.2-4

”
sa eva-“sarvathānnaṃ yadā na syāttadaivāmiṣamāśrayet || brāhmaṇaśca svayaṃ nādyāttacca śvādihataṃ yadi || ”
bhāgavatepi-“na dadyādāmiṣaṃ śrāddhe na cādyāddharmatatvavit | munyannaiḥ syātparā prītiryathā
na paśuhiṃsayā ||” tatheti śeṣaḥ || atra kecit | “munyannaṃ brāhmaṇasyoktaṃ māṃsaṃ kṣatriyavaiśyayoḥ | madhupradānaṃ śūdrasya sarveṣāṃ vāvirodhi yat” iti hemādrau pulastyoktyā vyavasthāmāhuḥ || pṛthvīcandrodayastu-“akṣatā godhumuścaiva śrāddhe māṃsaṃ tathā madhu | devarācca
sutotpattiḥ kalau pañca vivarjayet” iti nigamokteḥ || ‘varā'tithipitṛbhyaśca paśūpākaraṇakriyā’ iti kalivarjyeṣu hemādrāvādityapurāṇāt
bṛhannāradīye-“māṃsadānaṃ yathā śrāddhe vānaprasthāśramastathā' ityuktvā 'imān dharmān kaliyuge varjyānāhurmanīṣiṇaḥ' iti bṛhannāradīye'bhidhānācca māṃsavidhiḥ kalivyatiriktaviṣayaḥ
kalau māṃsaniṣedhānāṃ ca deśācārāt vyavasthā || tathā ca bṛhannāradīye śrāddhaṃ prakṛtya"yathācāraṃ pradeyaṃ tu madhumāṃsādikaṃ tathā | deśācārāḥ parigrāhyāstattaddeśīyanairaiḥ
anyathā patito jñeyaḥ sarvadharmabahiṣkṛtaḥ” iti || “yasmin deśe pure grāme traividye nagarepi vā | yo yatra vihito dharmastaṃ dharmaṃ na vicārayet ||” iti bhṛgūkteścetyāhuḥ || tanna
holakādhikaraṇanyāyena deśaviśeṣavyavasthāpakapadakalpanāyogāt || nirūpitaṃ ca tat
pitāmahacaraṇairmāṃsamīmāṃsāyām iti dik
manuḥ-“saṃvatsaraṃ tu gavyena payasā pāyasena ca | vārdhrīṇasasya māṃsena tṛptirdvādaśavārṣikī
triḥ pivaṃstrindriyakṣīpaṃ śvetaṃ vṛddhamajāpatim | vārdhrīṇasaṃ tu taṃ prāhuryājñikāḥ śrāddhakarmaṇi