Nirnayasindhu 59.2-3

59.2-3

"
ūhamāha viṣṇuḥ-“mātāmahānāmapyevaṃ śrāddhaṃ kuryādvicakṣaṇaḥ | mantrohena yathānyāyaṃ
śeṣāṇāṃ mantravarjitam ||” yathānyāyamivi yatra bahuvacanāntaḥ pitṛśabdastatra sarvapitṛvācitvānnohaḥ || tatrāpi - 'śundhantāṃ pitaraḥ' ityatroha eva | sarvapitṛvācitve uttaramantradvayavaiyarthyāt || bahuvacanaṃ tu nohyate || prakṛtāvasamarthatvātpāśānitivat
ṛgante ca nohaṃḥ
tasmādṛcaṃ nohediti niṣedhāt || ekoddiṣṭepyevam || pretaikoddiṣṭe tu 'ekavanmantrānūhetaikoddiṣṭe' iti viṣṇukterūhaḥ || atra bahuvacanasyāpyūho vacanāt || vṛddhyādau tu
viśeṣaṃ vakṣyāmaḥ || śeṣāṇāmiti pitṛvya|dyekoddiṣṭe āvāhanādimantravarjya kāryamiti
kalpataruḥ || ūhayogyapitṛpadavān mantra eva tatra na prayojyaḥ || na tūhaḥ || nāpi pitṛpadarahitaḥ prayojya iti śūlapāṇiḥ || arthāntaraṃ coktaṃ prāk
bahvṛcakārikāpi- "arghyapradānamantre tu mātrādipadamāvapet | śundhantāmiti pitrādau
mātrādipadamāvapet ||” mātṛśrāddhe piṇḍadāne 'ye ca tvāmatrānu' ityatra noha iti vṛddhikṛt || tathā-“mātuḥ śrāddhepyanūhena kuryātpiṇḍānumantraṇam | daśādānamupasthānaṃ tadvatkāryamiti sthitiḥ || pravāhamapyanūhena tadvatprāśanamiṣyate ||” tathā-“ āyantunastilosīti uśantastveti yāni tu | anūhyaḥ pitṛśabdotra pitṛsāmānyavācakaḥ ||” āpastambānāṃ tu vakṣyate
hemādrau mārkaṇḍeyaḥ-'snātaḥ snātān samāhūtān svāgatenārcayetpṛthak ||' kālikāyāṃ
nāradīye-“prāyaścittaviśuddhātmā tebhyo'nujñāṃ pragṛhya ca | dadyādvai brahmadaṇḍārthaṃ hiraṇyaṃ kuśameva ca ||” tatraiva saṃgrahe-“tithivārādikaṃ jñātvā saṅkalpya ca yathāvidhi | prācīnāvītinā kāryaṃ sarvaṃ saṃkalapanādikam || sambandhaṃ prathamaṃ brūyānnāmagotre tathaiva ca | vasvādirūpatāṃ cāpi svapitṝṇāmanukramāt