Nirnayasindhu 59.3-3

59.3-3

” iti
skāndāt || 'pitaraḥ sarve manuṣyā viṣṇunāśitamaśnaṃti' iti śruteḥ || “yaḥ śrāddhakāle
haribhuktaśeṣaṃ dadāti bhaktyā pitṛdevatānām | tenaiva piṇḍāṃstulasīvimiśrānākalpakoṭiṃ pitarastu tṛptāḥ ||” iti brāhmokteśceti śrīdharasvāminnṛsiṃhaparicaryādayaḥ
etatsarvaṃ nibandhavirodhānnirmūlam
atra viśeṣo hemādrau viṣṇudharme-'śrāddhāni tu samabhyarcya nṛvarāhaṃ janārdanam' || śivapurāṇe-"pūjayitvā śivaṃ bhaktyā pitṛśrāddhaṃ prakalpayet ||' pūrvaniṣedhastu vihitābhinnaparaḥ || tathā hemādrau- "devācāṃ dakṣiṇāṅgādiḥ pādajānvaṃsamūrdhani | śiroṃsajānupādeṣu
vāmāṅgādi ca paitṛkam||"kalikayāṃ smṛtyantare- "śrāddhārambhe tuḥye darbhāḥ pādaśauce visarjayet | arcanādau tu ye darbhā ucchiṣṭānte visarjayet || mārjanādau tu ye darbhāḥ piṇḍotthāne visarjayet | utthānādau tu ye darbhā dakṣiṇāmte visarjayet || prārthanādau tu ye darbhā
namaskāre visarjayet