Nirnayasindhu 60.3-2

60.3-2

" viprāṇāṃ gandhena
vartulaṃ tripuṇḍaṃ vā na kāryam
hemādrau devalaḥ--"lalāṭe puṇḍrakaṃ dṛṣṭvā skandhe mālāṃ tathaiva ca | nirāśāḥ pitaro yānti
dṛṣṭvā ca vṛṣalīpatim ||" puṇḍraṃ vartulamityaparārke madanaratne ca || puṇḍraṃ tripuṇḍraṃ vartulamardhacandraṃ ca || "ūrdhvaṃ ca tilakaṃ kuryānna kuryādvai tripuṇḍrakam | ūrdhvaṃ ca tilakaṃ
kuryāddaive pitrye ca karmaṇi || nirāśāḥ pitaro yānti dṛṣṭvā caiva tripuṇḍrakam" iti
vṛddhaparāśaroktestiryaglepo bhavatyeva "varjayettilakaṃ bhāle śrāddhakāle ca sarvadā | tiryagapyūrdhvapuṇḍraṃ vā dhārayettu prayatnataḥ" iti vyāsokteriti pṛthvīcandraḥ
yattu vṛhannāradīye - 'ūrdhvapuṇḍraṃ ca tulasīṃ śrāddhe necchanti kecana' iti tatkartṛparam
hemādrau brāhme--"pūtikaṃ mṛganābhiṃ ca rocanaṃ raktacandanam | koleyakaṃ tūgragandhaṃ turuṣakaṃ
cāpi varjayet ||" kastūryā vikalpa iti hemādriḥ || vṛddhaśātātapaḥ--"pavitraṃ
tu kare kṛtvā yaḥ samālabhate dvijān | rākṣasānāṃ bhavecchrāddhaṃ nirāśaḥ pitṛbhirgataiḥ ||”
puṣpaṃ tu brāhme-“jātīcampakalodhrāśca mallikāḥ bāṇabarbarī | cūtāśokāṭarūṣaṃ ca tulasī
śatapatrakam || kubjakaṃ tagaraṃ caiva bhṛṃgamāraṇyaketakī | yūthikāmatimuktaṃ ca śrāddhe
yogyāni bho dvijāḥ || kamalaṃ kumudaṃ padmaṃ puṇḍarīkaṃ ca yatnataḥ | indīvaraṃ kokanadaṃ
kahvāraṃ ca nivedayet