Nirnayasindhu 62.2-4

62.2-4

etanmaṇḍaladeśe kāryamiti hemādriḥ || manuḥ- " dātāro nobhivardhantāṃ vedāḥ saṃtatireva ca | śraddhā ca no mā vyagamadbahu deyaṃ ca nostviti ||”
baudhāyanaḥ-“ annaṃ ca no bahu bhavedatithīṃśca labhemahi | yācitāraśca naḥ santu mā ca
yāciṣma kañcana' iti || atra dātāro vobhivardhantāṃ, labdhavaṃ, yācadhvamityādyūhena paṭhitvā vipraiḥ prativacanaṃ kāryamiti sudarśanabhāṣye || 'svāduṣaṃsada' iti 'brāhmaṇāsaḥ pitaraḥ'
iti ca mantradvayaṃ paṭhanti | śaunakaḥ-“ brāhmaṇānatha niryātān parītya triḥpradakṣiṇam
sastrīkaḥ svajanaiḥ sārddhaṃ praṇamedrecitāñjaliḥ || kaniṣṭhaprathamā jyeṣṭhacaramāḥ syuḥ pradakṣiṇe ||' hemādrau bṛhaspatiḥ-“ adya me saphalaṃ janma bhavatpādābjavandanāt | adya me vaṃ
śajāḥ sarve yātā vo'nugrahāddivam || patraśākādidānena kleśitā yūyamīdṛśāḥ | tatkleśajātaṃ cittāttu vismṛtya kṣantumarhatha