Nirnayasindhu 7.14

7.14

tathā-“ liṃgaṃ daśāśvamedheśaṃ dṛṣṭvā daśaharātithau | daśajanmārjitaiḥ pāpaistyajyate nātra saṃśayaḥ ||” tathā ca bhaviṣyottarakāśīkhaṃḍayoḥ-“ niśāyāṃ jāgaraṃ kṛtvā samupoṣya ca bhaktitaḥ | puṣpairgandhaiśca naivedyaiḥ phalaiśca
daśasaṃkhyayā || tathā dīpaiśca tāṃbūlaiḥ pūjayecchraddhayānvitaḥ| snātvā bhaktyā tu jāhnavyāṃ
daśakṛtvo vidhānataḥ || daśaprasṛtikṛṣṇāṃśca tilān sarpiṃśca vai jale | saktupiṃḍān guḍapiṃḍān dadyācca daśasaṃkhyayā || tato gaṃgātaṭe ramye hemā rūpyeṇa vā tathā | gaṃgāyāḥ pratimāṃ
kṛtvā vakṣyamāṇasvarūpiṇīm || saṃsthāpya pūjayeddevīṃ tadalābhe mṛdāpi ca | atha tatrāpyaśaktaścellikhet piṣṭena vai bhuvi || vakṣyamāṇena mantreṇa kuryātpūjāṃ viśeṣataḥ”
“ nārāyaṇaṃ maheśaṃ ca brahmāṇaṃ bhāskaraṃ tathā || bhagīrathaṃ ca nṛpatiṃ himavantaṃ nageśvaram
gandhapuṣpādabhiḥ samyagyathāśakti prapūjayet || daśaprasthāṃstilān dadyāddaśasaṃkhyāgavīstathā' ? | prasthaḥ ṣoḍaśapalāni | palaṃ tu-‘muṣṭimātraṃ palaṃ smṛtam' iti mahārṇave uktam
“matsyakacchapamaṇḍūkamakarādijalecarān || haṃsakāraṃḍavavakacakraṭidvibhasārasān | kārayitvā yathāśakti svarṇena rajatena vā || tadalābhe piṣṭamayānabhyarcya kusumādibhiḥ | gaṃgāyāṃ
prakṣipedājyadīpāṃścaiva pravāhayet || puṣpaiārghyaiḥ pūjayedgaṅgāṃ mantreṇānena bhaktitaḥ” | oṃ
namaḥ śivāyai nārāyaṇyai daśaharāyai namonamaḥ || iti mantraṃ tu yo martyo dine tasmin
divāniśam | japetpañcasahasrāṇi daśadharmaphalaṃ labhet || kāśīkhaṇḍe tvanyo mantra uktaḥ
“ namaḥ śivāyai prathamaṃ nārāyaṇyai padaṃ tataḥ | daśaharāyai padamiti gaṅgāyai mantra eṣa vai
svāhāntaḥ praṇavādiśca bhavedviṃśākṣaro manuḥ | pūjā dānaṃ japo homonenaiva manunā smṛtam’