Nirnayasindhu 7.2-5

7.2-5

iti || udakumbhadānamantrastvakṣayyatṛtīyāprakaraṇe uktaḥ || bhaviṣyepi-“vaiśākhī kārttikī māghī tithayotīva pūjitāḥ | snānadānavihīnāstā na neyāḥ pāṇḍunandana” || atra kṛṣṇājinadānaṃ kāryam | tathā ca
viṣṇuḥ-“kṛṣṇājine tilān kṛṣṇān hiraṇyaṃ madhusarpiṣī | dadāti yastu viprāya sarvaṃ
tarati duṣkṛtam ” iti || iti śrīrāmakṛṣṇabhaṭṭasūrisūnukamalākarabhaṭṭakṛte kālanirṇayasindhau vaiśākhamāsaḥ samāptaḥ
jyeṣṭhamāsaḥ
vṛṣabhasaṃkrāntinirṇayaḥ
vṛṣasaṃkrāntau pūrvāḥ ṣoḍaśa ghaṭikāḥ puṇyakālaḥ rātrau saṃkrame sati prāgevoktam
jyeṣṭhaśuklatṛtīyāyāṃ rambhāvratanirṇayaḥ
jyeṣṭhaśuklatṛtīyāyāṃ rambhāvratamuktaṃ mādhavīye bhaviṣye-“bhadre kuruṣva yatnena rambhākhyaṃ vratamuttamam | jyeṣṭhaśuklatṛtīyāyāṃ snātā niyamatatparā ” iti || sā pūrvaviddhā grāhyā
“bṛhattapā tathā rambhā sāvitrī vaṭapaitṛkī | kṛṣṇāṣṭamī ca bhūtā ca kartavyā saṃmukhī
tithiḥ ” iti skāndokteḥ
jyeṣṭhaśukladaśamīnirṇayaḥ
jyeṣṭhaśukladaśamī daśaharā | taduktaṃ hemādrau brāhme-“jyeṣṭhe māsi site pakṣe daśamī hastasaṃyutā | harate daśa pāpāni tasmāddaśaharā smṛtā ” iti || vārāhepi-“daśamī śuklapakṣe tu
jyeṣṭhe māsi kuje'hani | avatīrṇā yataḥ svargāddhastarkṣe ca saridvarā || harate daśa pāpāni
tasmāddaśaharā smṛtā ” | iti || skānde tu daśayogā uktāḥ | tathā-“jyeṣṭhe māsi
site pakṣe daśamyāṃ budhahastayoḥ || vyatīpāte garānande kanyācaṃdre vṛṣe ravau || daśayoge
naraḥ snātvā sarvapāpaiḥ pramucyate ” iti || atra budhabhaumayoḥ kalpabhedena vyavasthā | iyaṃ
ca yatraiva yogabāhulyaṃ saiva grāhyā | yogādhikye phalādhikyāt | jyeṣṭhe malamāse sati
tatraiva daśaharā kāryā|na tu śuddhe|'daśaharāsu notkarṣaścaturṣvapi yugādiṣu' iti hemādrau ṛṣyaśṛṅgokteḥ||tathā skāṃde-“yāṃ kāṃcatsaritaṃ prāpya dadyādarghyaṃ tilodakam|mucyate daśabhiḥ pāpaiḥ
sa mahāpātakopamaiḥ||” atra viśeṣaḥ kāśīkhaṃḍe-‘jyeṣṭhe māsi site pakṣe prāpya pratipadaṃ tithim
daśāśvamedhake snātvā mucyate sarvapātakaiḥ || evaṃ sarvāsu tithiṣu kramasnāyī narottamaḥ| āśuklapakṣadaśamīṃ pratijanmaghamutsṛjet