Nirnayasindhu 7.4

7.4

ityuktvā 'tato madhyāhnavelāyāṃ nadyādau vimale jale'
ityādinā madhyāhna eva vratavidhānāccaturdaśyuttarārdhe vaṇije karaṇe madhyāhne ca spaṣṭaṃ janma
pratīyate | sandhyāyāṃ janma tu kāpyanuktermauryyakṛtam || taddbrānnirṇayaśca heya eveti || iyameva yogaviśeṣeṇātimaśastā | taduktaṃ tatraiva "svātīnakṣatrayoge ca śanivāre ca maddbratam
siddhayogasya saṃyoge vaṇije karaṇe tathā || puṃsāṃ saubhāgyayogena labhate daivayogataḥ | ebhiryogairvināpi syānmahinaṃ pāpanāśanam || sarveṣāmeva varṇānāmadhikārosti maddbrate | madbhaktaistu viśeṣeṇa kartavyaṃ matparāyaṇaiḥ || tathā-siṃhaḥ svarṇamayo deyo mama santoṣakārakaḥ
tathā-“vijñāya mahinaṃ yastu laṃghayetpāpakṛnnaraḥ | sa yāti narakaṃ ghoraṃ yāvaccandradivākarau"
idaṃ ca saṃyogapṛthaktvanyāyena nityaṃ kāmyaṃ ca
tatra viśeṣaḥ
athātra viśeṣaḥ | madhyāhne mṛdgomayatilāmalakasnānaṃ kṛtvā || “nṛsiṃha devadeveśa tava
janmadine śubhe | upavāsaṃ kariṣyāmi sarvabhogavivarjitaḥ ||” iti mantreṇa saṃkalpaṃ
kṛtvā ācāryaṃ vṛtvā sāyaṃkāle-“haimī tu tatra manmūrtiḥ sthāpyā lakṣmyāstathaiva ca
palena vā tadardhena tadardhārdhena vā punaḥ || yathāśakti tathā kuryādvittaśāṭhyavivarjitaḥ ||”
ityuktam || nṛsiṃhamūrtiṃ śaktyā kṛtaṃ suvarṇasiṃhaṃ ca kalaśopari sampūjya rātrau jāgaraṇaṃ
kṛtvā prātaḥ punaḥ sampūjya | “nṛsiṃhācyuta deveśa lakṣmīkānta jagatpate | anenārcāpradānena
saphalāḥ syurmanorathāḥ ||” ityācāryāya dattvā | “madvaṃśe ye narā jātā ye janiṣyanti
cāpare | tāṃstvamuddhara deveśa dustarādbhavasāgarāt || pātakārṇavamagnasya vyādhiduḥkhāṃbuvāribhiḥ | tīvraiśca paribhūtasya mahāduḥkhagatasya me || karāvalaṃbanaṃ dehi śeṣaśāyin jagatpate | śrīnṛsiṃha ramākāṃta bhaktānāṃ bhayanāśana || kṣīrāmbudhinivāsistvaṃ cakrapāṇe janārdana | vratenānena deveśa bhuktimuktiprado bhava”