Nirnayasindhu 70.2

70.2

atra pitrormṛtatithyekatve maraṇakrameṇa darśa vargadvayavattantreṇa śrāddhaṃ kuryāt || paurvāparyyājñāne tu pitṛpūrvakaṃ kuryāditi hemādriḥ || mādhavādayastu-“pitroḥ śrāddhe samaṃ prāpte nave
paryuṣitepi vā | pitṛpūrvaṃ sutaḥ kuryādanyatrāsatiḥ yogataḥ ||” iti kārṣṇājinismṛteḥ || sarvatra pitṛpūrvaṃ bhinnaprayogamāhuḥ || pārvaṇaikoddiṣṭayoḥ saṃpāte mādhavīye
jābāliḥ-“yadyekatra bhaveyātāmekoddiṣṭaṃ ca pārvaṇam | pārvaṇaṃ tvabhinirvartya ekāddiṣṭaṃ samācaret ||”
yugapanmaraṇe nirṇayaḥ
gṛhadāhādinā yugapanmaraṇe bhṛguḥ “ekakāle gatāsūnāṃ bahūnāmathavā dvayoḥ | tantreṇa
śrapaṇaṃ kṛtvā kuryyācchrāddhaṃ pṛthakpṛthak || pūrvakasya mṛtasyādau dvitīyasya tataḥ punaḥ| tṛtīyasya tataḥ kuryātsannipāteṣvayaṃ kramaḥ