Nirnayasindhu 70.5

70.5

” ṛṣyaśṛṅgaḥ-“bhavedyadi sapiṇḍānāṃ
yugapanmaraṇaṃ tadā || sambandhāsattimālocya tatkramācchrāddhamācaret
gāruḍe-“ ekenaiva tu pākena śrāddhāni kurute'tra hi | vikiraṃ tvekataḥ kuryātpiṇḍān
dadyātpṛthak pṛthak || ” atrānugamane ca dāhasapiṇḍanādau viśeṣaṃ vakṣyāmaḥ || atriḥ“ bahūnāmathavā dvābhyāṃ śrāddhaṃ cetsyātsamehani | tantreṇa śrapaṇaṃ kṛtvā pṛthakśrāddhāni
kārayet
pulastyaḥ-“ mahālaye gayāśrāddhe gatāsūnāṃ kṣayehani | tantreṇa śrapaṇaṃ kṛtvā śrāddhaṃ kuryātpṛthak pṛthak || ” idaṃ ca pṛthakpākena bhinnaśrāddhāśaktau || pṛthakpākena sambandhāsattyā
śrāddhabhedastu mukhyaḥ pakṣaḥ || 'ekatraiva dine śrāddhaṃ dvayaṃ prāptaṃ yadā tadā | ceredeva purā
varṣātpiturmātuśca yatsutaḥ || ekasmin yaḥ karotyahni dvayoḥ śrāddhaṃ yadā dvijaḥ | tadā pūrvamṛtasyādau kṛtvā snātvā yathāvidhi || paścāt paścānmṛtasyaiva pṛthakpākaḥ samācaret
naikasmin divase śrāddhaṃ trayāṇāṃ kutracit dvijaḥ || ekaḥ kuryāttathā prāpte tvanyo bhrātā
samācaret | bhrātaryavidyamāne tu tatparehi samācaret || anyathā śrāddhahantā syācchāddhasaṃkarakṛdbhavet