Nirnayasindhu 8.5

8.5

iti || śive tu
tatraiva kālottare- “āṣāḍhānte caturdaśyāṃ nabhasyanabhasostathā | aṣṭamyāṃ ca caturdaśyāṃ
pakṣayorubhayoḥ samam " || iti || anyadevatānāṃ tu vakṣyate | adhivāsanaṃ tu dīpikāyām-'godohāntarite kāle pūrvedyurvādhivāsanam' iti | gauṇakālau rāmārcanacandrikāyām-“pavitrāropaṇaṃ viṣṇoraśrāvaṇe na bhavedyadi | kārttikapravadhiśukrāste kartavyamiti
nārada " || “hemaraupyatāmrakṣaumaiḥ sūtraiḥ kauśeyapadmajaiḥ | kuśaiḥ kāśaiśca kārpāsairbrāhmaṇyā
karttitaiḥ śubhaiḥ || kṛtvā triguṇitaṃ sūtraṃ triguṇīkṛtya śodhayet | tatrottamaṃ pavitraṃ tu ṣaṣṭyā
saha śataistribhiḥ || saptatyā sahitaṃ dvābhyāṃ śatābhyāṃ madhyamaṃ smṛtam | sāśītinā śatenaivaṃ
kaniṣṭhaṃ tatsamācaret || sādhāraṇapavitrāṇi tribhiḥ sūtraiḥ samācaret | uttamaṃ tu śatagranthi
pañcāśadgranthi madhyamam | kaniṣṭhaṃ tu pavitraṃ syātṣaṭtriṃśadgranthi śobhanam | ṣaṭtriṃśacca caturviṃśādvādaśeti ca kecana | caturviṃśadvādaśāṣṭāvityeke munayo viduḥ ”