Smritisaroddhara 1.p112

1.p112

śītivatsaraḥ | ekādaśyāmupavasetpakṣayorubhayorapi' iti sāmānye viśeṣavyavasthāmaha kālādarśaḥ| 'vidhavāyā vanasthasya yateścaikādaśīdvaye | upavāso gṛhasthasya śuklāyāmeva putriṇaḥ | bhujerniṣedhaḥ kṛṣṇāyāṃ siddhistasya tato vrata' iti| gāruḍepunaḥ prabhātasamaye ghaṭikaikādaśī bhavet | tatropavāso vihito vanasthasya yatestathā | vidhavābāstu tatraiva parato dvādaśī na cet | kaurme—ekādaśyāṃ na bhuñjīta pakṣayorubhayorapi | vanasthayatidharmoyaṃ śuklāmeva sadā gṛhī | tathā—saṅkrāntyāṃ kṛṣṇapakṣe ca raviśukradine tathā | ekādaśyāṃ na kurvīta upavāsaṃ ca pāraṇam | kātyāyanaḥ-ekādaśīṣu kṛṣṇāsu ravisaṃkramaṇe vratam| candrasūryyoparāge ca na kuryyātputravāngṛhī | vratamupavāsam | gautamaḥ-āditye'hani saṃkrāntyāmasitekādaśīṣu ca| vyatīpāte kṛte śrāddhe putrī nopavasedgṛhī | saṃkrāntyādivihitopavāsaviṣayo'yaṃ niṣedho natu tadyuktaikādaśyupavāsaviṣayaḥ| 'tannimittopavāsasya niṣedhoyamudāhṛtaḥ | nānuṣaṅgakṛto grāhyo yatonityamupoṣaṇam' iti jaimineḥ| anuṣaṅgakṛtaḥ saṃkrāntyādiyogakṛtaḥ ekādaśyupavāse niṣedho na grāhya ityarthaḥ | kaurme-na śaṅkhena pivettoyaṃ na khādetkūrmaśūkarau | ekādaśyāṃ na bhuñjīta pakṣayorubhayorapi | śayanībodhinīmadhye yā kṛṣṇekādaśī bhavet | saivopodhyā gṛhasthena nānyā kṛṣṇā kadācana | anantabhaṭṭīye—upavāsaniṣedhe tu bhakṣyaṃ kiñcit prakalpayet | atra prāñcaḥ | gṛhasthaiḥ śuklāyāmupavāsaḥ kṛṣṇāyāṃ phalāhārādikaṃ kāryyaṃ, natvannādibhakṣaṇaṃ svacchandena | 'bhujerniṣedhaḥ kṛṣṇāyāṃ siddhistasya tato vrata' ityādivākyāt | kṛṣṇāyāmupavāsaniṣedhepi na vrataniṣedhaḥ, na śaṅkhena pivettoyamityādiniṣedhakavākyasyobhayaikādaśīsādhāraṇyāt | hemādrisaṃgrahepi-bhuñjīran ha-