Smritisaroddhara 1.p14

1.p14

kyābhyāṃ viruddhyate, te vākye yathā - aruṇodayakāletu daśamī yadi dṛśyate, pāpamūlaṃ tadā jñeyamekādaśyāmupoṣaṇam | tathā | kalādvenāpi viddhāsyāddaśamyekādaśī yadi, tadā hyekādaśīṃ tyaktvā dvādaśīṃ samupoṣayediti cetsatyam | aruṇodayādisarvaprakāravedhastu vaiṣṇavopavāsaviṣayaḥ pañcadaśanāḍīvedhastu vaiṣṇavavratavyatiriktavrataviṣayaḥ | taduktaṃ nigame | sarvaprakāravedhoyamupavāsasya dūṣakaḥ, sārddhasaptamuhūrttastu vedhoyaṃ bādhate vratamiti | skānde | pradoṣavyāpinī grāhyā sarvanaktavrate tithiḥ, udayasthā sadā pūjyā harinaktavrate tithiḥ | atra harinaktavratasyāpyaudayikatithau vidhānaṃ kimutopavāsasyeti alhlāḍanāthaḥ | nirṇayāṃbhojabhānau tu viśeṣaḥ kaścidasti, tathāhi brahmavaivartte—kīdṛśastu bhavedvedho yogo viprendra kīdṛśaḥ, yogavedhau mamācakṣva yayorduṣṭamupoṣaṇamiti praśne, uttaram, yā tithiḥ spṛśate rājan prātararkāvalokinī, | sa vedhaiti vijñeyo yogaḥ sūryodaye natu | yātithiḥ prātaḥspṛśataiti vyavahitenānvayaḥ | nacaitadekādaśīparaṃ tadvedhasyāruṇodaye garhitatvāt | tasmādyāstithayaḥ paraviddhātvenopādeyāstā udaye ghaṭikāmātrā api grāhyā itisiddham