Smritisaroddhara 1.p201

Smṛtisāroddhāra 1.p201

Language: Sanskrit

1.p201

samarthasya grahaṇabhojane prāyaścittamāha kātyāyanaḥ| 'candrasūryyagrahe bhuktvā prājāpatyena śudhyati | tasminneva dine bhuktvā trirātreṇaiva śudhyati' | vyāsaḥ | 'sūryyavāre ravigrāsaḥ somavāre vidhorgrahaḥ | cūḍāmaṇiritikhyātastatrānantaphalaṃ bhavet | vāreṣvanveṣu yatpuṇyaṃ grahaṇe candrasūryyayoḥ | tatpuṇyaṃ koṭiguṇitaṃ grahe cūḍāmaṇau bhavet' | grahaṇe tvekarātrādyupavāsaḥ kāmyastaduktaṃ gālavena | 'ekarātramupoṣyaiva grahaṇe candrasūryyayoḥ | kañcukādiva sarppasya nivṛttiḥ pāpakośataḥ | trirātraṃ yohyupavaśedū grahaṇe candrasūryyayoḥ | snātvā datvā ca vidhivanmodate brahmaṇāsaha' iti

Previous: 1.p200
Next: 1.p202
Up: 1

Linked texts (1)

Cakranārāyaṇīyanibandha — Viśvambharatrivedin 1600, Sanskrit