Subodhinipaddhati 28.1-2.5

28.1-2.5

samidhaṃ prakṣipet | tataḥ sruksruvau mekṣaṇañca dakṣiṇenādāyāsāditenoṣṇodakena tāni prakṣālya, savye kṛtvā, āsāditānsammārgakuśānādāya, sammārgāgrairmūlato'graparyantaṃ sruvaṃ sammṛjya, evameva srucaṃ mekṣaṇañca pṛthaksammārgya, dakṣiṇenādāya, adhomukhāni
prāñcamagnau pratāpya, savye kṛtvā, praṇītābhiradbhiḥ samprokṣya, punastathaiva kuśaḥ sammārthya, pratāpya, ātmāgnyorantarālastute barhiṣi
ājyacarvoruttarata āsādayet
tataścaturaṅgulaṃ sruvasya mūlaṃ tyaktvā, sruvamādāyājyasthālītaḥ
sruvacatuṣṭayaṃ prathama-dvitīya-tṛtīya-caturtha-krameṇa saṃkhyāpūrvakaṃ sruci
kṛtvā, ṣaḍaṅgulaṃ tyaktvā, srucamādāya "agnaye svāheti prajāpatirṛjuragniḥ ājyabhāgahome viniyogaḥ" | "oṃ agnaye svāheti"
samiddhasyāgneruttarabhāge prāñcaṃ juhuyāt | idamagnaye na mameti tyāgaḥ
punastathaivājyamādāya, somadevatāviśiṣṭamṛṣyādīnsmṛtvā, “somāya
svāheti” agnerdakṣiṇabhāge prāñcaṃ juhuyāt | idaṃ somāya na
mameti tyāgaḥ
atha srucyājyamupastīrya, avadānadvayaṃ carormadhyātpūrvādrdhāccāvadāya sruci kṛtvā, pañcārṣeyāṇāṃ paścāddhāṃttṛtīyamādāya, ājyena
pratyupastīrya, ājyenāvadānasthānamavabhañjya, agnidevatākruṣyādīnsmṛtvā “pradhānahome viniyogaḥ” iti uktvā “agnaye svāheti”
samiddhasyāgnermadhye juhuyāt | tyāgastathaiva | evaṃ trirbhāve sakṛdvā
hotavyam | tataḥ sruveṇājyāhuticatuṣṭayaṃ vyāhṛtibhirjuhuyāt
vyāhṛtīnāṃ viśvāmitra-jamadagnibharadvājā gāyatryuṣṇiganuṣṭubhagni
vāyusūryāḥ samastānāṃ prajāpatirbṛhatī prajāpatiḥ home viniyogaḥ !
oṃ bhūḥ svāhā | idamagnaye na mama
oṃ bhuvaḥ svāhā | idaṃ vāyave na mama