Subodhinipaddhati 42.1-2

42.1-2

ṣaṣṭhi devi namastubhyaṃ sūtikāgṛhavāsini
pūjitāsi mayā bhaktyā sabālāṃ rakṣa sūtikām !
tvameva vaiṣṇavī devi brahmāṇī ca vyavasthitā
rudraśaktiḥ samākhyātā mahāṣaṣṭhi namostu te
tvatprasādādavighnena cirañjīkatu me sutaḥ
tato gavyaghṛta-sarṣapa-saindhava-nimbapatraiḥ sūtikāsadma dhūpayet
tato “kṣetrapālāya namaḥ” | “nānārūpadharebhyo gandharvebhyo namaḥ |”
“ādityādigrahebhyo namaḥ” | “indrādidikpālebhyo namaḥ |” etānsampūjya balīndadyāt | tataścāmuṇḍāṃ sampūjya, baliṃ datvā,
tataḥ sūtikāgṛhasamīpe baliṃ sopaskaraṃ dadyāt | “balidravyāya
namaḥ” darbhapuṣpaiḥ sampūjya, jalaṃ gṛhītvā tatra mantraḥ
kṣetrasthādhipate devi sarvāriṣṭavināśini
baliṃ gṛhāṇa me rakṣa kṣetraṃ santānabālakam
iti mantreṇa baliṃ muktvā dakṣiṇādibhirviprānsantāṣye, śastrapāṇipuruṣān gṛharakṣāyai niyojya, striyaśca gītanṛtyādi kuryuḥ
iti ṣaṣṭhikāpūjāprayogaḥ
atha candradarśanaprayogaḥ
janmamāsāttṛtīye māsi śuklatṛtīyāyāṃ prātaḥ saśiraskaṃ kumāraṃ
snāpayitvā, snānādikaṃ vidhāya, mātṛpūjāpūrvakaṃ candradarśanakarmāṅgaṃ nāndīśrāddhaṃ vidhāya, astamite savitari vigatasandhyārāge
kṛtāñjaliḥ pratyaṅmukhaścandramupatiṣṭhate | ācamya prāṇānyāmya, deśakālau saṅkīrtya “mama śiśorāyurvṛddhivījagarbhasamudbhavainonibarhaṇārthaṃ
candradarśanākhyaṃ karmāhaṃ kariṣye” iti saṅkalpaṃ kuryāt
tato mātā śucinā vasanena mukhavarjaṃ kumāramācchādya
kumārasya piturdakṣiṇasyāṃ diśi gatvodakśirasamuttānaṃ pitra
pradāya, pṛṣṭhataḥ patiṃ parikramyottarataḥ pratyaṅmukhyupatiṣṭhate
tataḥ pitā yatte susīmeti prajāpatiranuṣṭup candraḥ, yatpṛthivyeti
prajāpatiranuṣṭup liṅgoktāḥ, indrāgnīti prajāpatiranuṣṭup, indrāgnī
devatā, kumārasya candradarśane viniyogaḥ
oṃ yatte susīme hṛdayam̐hitamantaḥ prajāpatau
vedāhaṃ manye tadbrahma māhaṃ pautramagham̐riṣam