Shraddhacandrika (Divakarabhatta) 2.p149

2.p149

etasya gauṇakālo'pyuktaḥ-baudhāyanena, ekauddiṣṭaṃ iva eva syāddvādaśe'hani vā puna: | ata ūrdhvamayugmeṣu kurvītāhaḥsu śaktitaḥ || ardhamāse'tha vā māse ṛtau saṃvatsare'pi vā | iti | uśanā-tryahāśauce'pi kartavyamādyamekādaśe'hani | atītaviṣaye sadyastryahordhvaṃ vā tadiṣyate || iti | atredamavadheyam | viprāṇāṃ daśame'hni gātrapūrakadaśamapiṇḍasamāptau paramekādaśe'hnyādyaṃ śrāddham | rājanyādīnāṃ turājñastu daśamaḥ piṇḍo dvādaśe'hani dīyate | vaiśyasya pañcadaśame jñeyastu daśamastathā || śūdrasya daśamaḥ piṇḍo māse pūrṇe'hni dīyate | ityādityapurāṇāddaśamadine tādṛśapiṇḍasamāptāvayogyamekādaśe'hni ādyaṃ śrāddhamiti pratibhāti yadyapi, tathāpi vacanādrātrapūrakapiṇḍasamāpteḥ pūrvamapi bhavatvādyaṃ śrāddhaṃ nāsmākaṃ tatra kācitkṣatiriti | atra madhye malamāse sati male yanmāsikaṃ patettadāvarttanīyam | “saṃvatsaramadhye yadyadhimāso bhavenmāsikārthaṃ dinamekaṃ vṛddhiṃ nayet” iti vāsiṣṭhavākyāt ! śrāddhīye'hani samprāpte adhimāso bhavedyadi | śrāddhadvayaṃ prakurvīta evaṃ kurvanna muhyati || iti vṛddhavāsiṣṭhavākyācca | śrāddhīye'hani=māsikaśrāsapiṇḍīkaraṇasyāpi pitṛśrāddhatvāt | evaṃ ca dvitīyādyahorātre sahagamane sapiṇḍīkaraṇamāśaucānte kāryam | sarveṣāmeva varṇānāmā‌śaucānte sapiṇḍanam | iti kātyāyanokteḥ | āśaucāntyadinottaradine ityarthaḥ | tatrāpi pratibandhāntareṇāntarite tu tripakṣādiṣūttarakāleṣu jñeyam | ityadhikaṃ pustakāntare | dvīye'hani | śrāddhadvayaṃ prakurvīta ādāvekaṃ male kāryaṃ tadeva punaḥ śuddhamāse'pi kāryamityarthaḥ | ūnamāsikādikālamāha-