Shraddhacandrika (Divakarabhatta) 2.p211
Śrāddhacandrikā (Divākarabhaṭṭa) 2.p211
- Language
- Sanskrit
2.p211
śrautakarmaṇi tatkālaṃ snātaḥ śuddhimavāpnuyāt | iti vyāghravacanādbhavatyeva snānam | vrataśabdena prāyaścittārthatvenānyathā vānuṣṭhīyamānaṃ dvādaśābdavanavāsakṛcchracāndrāyaṇādi | satrapadena mukhyameva satraṃ gṛhyate tatra varaṇābhāvāt | nāndīmukhaṃ nāndīśrāddham | ā dinā nāndīśrāddhavatsaṃskārakarmāmātragrahaṇam | vivāhe sadyaḥśaucaṃ keṣāmityapekṣāyām -brahmapurāṇe, dātuḥ pratigrahītuśca kanyādāne ca no bhavet | vivāhayiṣṇoḥ kanyāyā lājahomādikarmaṇi || iti