Shraddhacandrika (Divakarabhatta) 2.p212

Śrāddhacandrikā (Divākarabhaṭṭa) 2.p212

Language: Sanskrit

2.p212

brāhme-gṛhītaniyamasyāpi na syādanyasya kasya cit | iti | yogīśvaraḥ-dāne vivāhe yajñe ca saṅgrāme deśaviplave | āpadyapi ca kaṣṭāyāṃ sadyaḥśaucaṃ vidhīyate || dāne = santatānnadāne | viṣṇuḥ-āśaucaṃ na rājñāṃ rājakarmaṇi na vratināṃ vrate na satriyāṇāṃ satre na kārūṇāṃ kārukarmaṇi na rājājñākāriṇāṃ tadicchāyāṃ na devapratiṣṭhāvivāhayoḥ pūrvasambhṛtayoriti | pracetāḥ-kāravaḥ śilpino vaidyā dāsīdāsāstathaiva ca | rājāno rājabhṛtyāśca sadyaḥśaucāḥ prakīrttitāḥ || paiṭhīnāsiḥ-vivāhadurgayajñeṣu yātrāyāṃ tīrthakarmaṇi | na tatra sūtakaṃ tadvatkarma yajñādi kārayet

Previous: 2.p211
Next: 2.p213
Up: 2

Linked texts (1)

Pracetassmṛti (fragments) — Sanskrit