Shraddhacandrika (Divakarabhatta) 2.p213

2.p213

tkāryya āpādi ca bodhyaḥ | svasvakāle tvidaṃ sarvaṃ sūtakaṃ parikīrttitam | āpadgatasya sarvasya sūtake'pi na sūtakam || iti dakṣokteḥ | dātṛgṛhe maraṇādau hemādrau-brāhme, bhojanārthe tu sambhukte viprairdāturvipadyate | gṛhe iti śeṣaḥ | yadā kaścittadocchiṣṭaṃ śeṣaṃ tyaktvā samāhitāḥ || ācamya parakīyena jalena śucayo dvijāḥ | iti | athāśaucena śrāddhapratibandhe pārāśarīyeṛṣyaśṛṅgaḥ, deye pitṝṇāṃ śrāddhe tu āśaucaṃ jāyate yadā | āśauce tu vyatikrānte tebhyaḥ śrāddhaṃ pradīyate || iti | atrāpyantaritakālo hemādrau ṣaṭtriṃśanmate-māsike cāndike tvaddhi samprāpte mṛtasūtake | vadanti śuddhau tatkāryyaṃ darśe vāpi vicakṣaṇāḥ || marīciḥśrāddhavighne samutpanne avijñāte mṛte'hani | ekādaśyāṃ tu kartavyaṃ kṛṣṇapakṣe viśeṣataḥ || atriḥtadahaścetpraduṣyeta kena citsūtakādinā | sūtakānantaraṃ kāryaṃ punastadahareva vā