Shraddhacandrika (Divakarabhatta) 4.p1.1

4.p1.1

hemādrau bhaviṣye— tasmācchayyāṃ samāsādya sāradārumayīṃ dṛḍhām | dantapatrānvitāṃ ramyāṃ hemapaṭṭairalaṅkṛtām || haṃsatūlīpraticchannāṃ śubhagaṇḍopadhānikām | pracchādanapaṭīgandhadhūpadīpādhivāsitām || tasyāṃ saṃsthāpayeddevaṃ hariṃ lakṣmyā samanvitam | mṛtaśayyāyāṃ haristhāne pretamiti viśeṣaḥ | ucchīrṣake ghṛtabhṛtaṃ kalaśaṃ parikalpitam || tāmbūlakuṅkumakṣodakarpūrāgarucandanam | dīpakopānahacchatracāmarāsanabhājanam || pārśveṣu sthāpayedbhaktyā saptadhānyāni caiva hi | śayanasthasya bhavati yadanyadupakārakam || bhṛṅgārakarakādyaṃ tu pañcavarṇaṃ vitānakam | mantrastu— yathā na kṛṣṇa ! śayanaṃ śūnyaṃ sāgarajātayā | śayyā mamāpyaśūnyāstu tathā janmani janmani || yasmādaśūnyaṃ śayanaṃ keśavasya śivasya ca || śayyā mamāpyaśū0 dattvaivaṃ tasya sakalaṃ praṇipatya visarjayet | ekādaśāhe'pi tathā vidhireṣa prakīrttitaḥ | viśeṣaṃ cātra rājendra ! kathyamānaṃ niśāmaya || tenopabhuktaṃ yatkiñcidvastravāhanabhājanam | yadyadiṣṭaṃ ca tasyāsīttatsarvaṃ parikalpayet || tamevaṃ puruṣaṃ haimaṃ tasyāṃ saṃsthāpayettadā | pūjayitvā pradātavyā mṛtaśayyā yathoditā || pādmamātsyayoḥmṛtakānte dvitīye'hni śayyāṃ dadyātsulakṣaṇām | kāñcanaṃ puruṣaṃ tadvatphalavastrasamanvitam || sampūjya dvijadāmpatyaṃ nānābharaṇabhūṣitam | upaveśya tu śayyāyāṃ madhuparkaṃ tato vadet || vṛṣotsargaṃ ca kurvīta deyā ca kapilā śubhā | iti | śayyādānaphalaṃ bhaviṣye— svarge purandarapure sūryaputrālaye tathā | sukhaṃ va satyasau jantuḥ śayyādānaprabhāvataḥ || pīḍayanti na taṃ yāmyāḥ puruṣā bhīṣaṇānanāḥ |