Shraddhacandrika (Divakarabhatta) 4.p1.2

4.p1.2

na gharmeṇa na śītena bādhyate sa naraḥ kvacit || api pāpavinirmuktaḥ svargalokaṃ sa gacchati | vimānavaramārūḍhaḥ sevyamāno'psarogaṇaiḥ || ābhūtasamplavaṃ yāvattiṣṭhetsyātātaṅkavarjitaḥ | iti | atha prayogaḥ | taṇḍulādicūrṇanirmite'ṣṭadale tilaprasthaṃ nidhāya tasmin svāstīrṇaśayyāyāḥ samantānmūlavākyoktāni kumbhādīni saṃsthāpya oṃadyetyādi amukagotrasyāmukapretasya pretatvanivṛttipūrvakāpsarogaṇasevāyutavimānārohaṇapūrvakaindrapuragamanottaraṣaṣṭisahasravarṣatadadhikaraṇakakrīḍanastrīhastasambaraṇasahitasvargalokamahitatvataduttaraṣaṣṭiyojanamaṇḍalarājyānantaraparabrahmaikyakāmaḥ pretaśayyāṃ dāsye iti saṅkalpya sapatnīkaṃ vipraṃ śayyāṃ taṇḍulopari suvarṇapratimāyāṃ pretaṃ ca sampūjya śayyāṃ pradakṣiṇīkṛtya namaḥ prabhāṣyai devyai iti caturdikṣu praṇamya tithyādyullikhyāmukagotrasyetyādikāmāntaṃ pūrvoktaṃ saṅkalpavākyaṃ paṭhitvāmukagotrāyāmukaśarmaṇe brāhmaṇāya sapatnīkāyemāṃ śayyāmīśānādikoṇacatuṣṭayasaṃsthāpitaghṛtakuṅkumagodhūmajalapūrṇapātrāmucchīrṣakapradeśasthāpitaghṛtapūrṇakalaśāṃ haṃsatulīpracchannāṃ śubhagaṇr̤opadhānikāṃ pracchādanapaṭīsamadhānyatāmbūlādarśakuṅkumakṣodakarpūragurucandanadīpikopānacchatrāsanacāmaravyajanabhojanajalapātrapañcavarṇavitānapretapratimāyutāmṅgirodevatāmamukagotro'mukaśarmāhaṃ sampradade na mameti śayyopaveśitadvijahaste kuśodakaṃ kṣipet | tata imaṃ mantraṃ paṭhet-yathā na kṛṣṇa ! śayanaṃ śūnyaṃ sāgarajātayā | śayyā tasyāpyaśūnyāstu tathā janmani || yasmādaśūnyaṃ śayanaṃ keśavasya śivasya ca | śayyā tasyāpya0 tasya pretasyetyarthaḥ |