Shraddhamanjari (Bapubhatta Kelakara) 5.3.11

5.3.11

tadakṣayyavacanāntaṃ na cālayet | tataḥ prācī0 brāhmaṇahasteṣvapo dattvā'smātpitaḥ0 sapatnīka eṣa te gandhaḥ svadhā namo na mama | evaṃ pitāmahāditattannāmoccārapūrvakaṃ tristrigandhaṃ dattvā'po dadyāt | evaṃ devārcanoktaprakāreṇā''cchādanāntāṃ pūjāṃ samāpyedaṃ pitṛbhya0 vikṣū | iti namaskṛtyārcanavidheḥ saṃpūrṇatāṃ vācayitvā yajñopavītyācamya viprāṇāṃ purato'rcanakāle patitagandhapuṣpadabhrbhādyapanīya bhūmiṃ saṃmṛjya yuṣmadanujñayā
bhojanapātrāṇyāsādayiṣya ityuktvā''sādayetyanujñāto bhojanasthāne
prativipraṃ deve nairṛtīmārabhya pradakṣiṇamī(mai)śānyantaṃ punarnairṛtyādī(dyai)
śānyantaṃ pātrapramāṇaṃ caturasramaṇḍalaṃ gomayodakābhyāṃ kṛtvā prācī0
pitrya ī(ai)śānīmārabhyāpradakṣiṇa nairṛtyantaṃ punaraiśānyādinairṛtyantaṃ
vartulaṃ maṇḍalaṃ kṛtvā deve sayavānpitrye satilāndarbhānprārūya bhojanapātrāṇi saṃsthāpya prācī0 pitṛpātrāṇāṃ samantato bhasmamaryādāṃ kuryāt
piśaṅgabhṛṣṭima0 haya | yajño0 devapātrayoḥ paritaḥ-rakṣā ṇo agne0
dhānam | brahma ca te0 cchan | iti bhasmamaryādāṃ kṛtvā prācī0 pitṛviprāṇāṃ hastaśuddhiṃ vidhāya yajño0 devaviprayorhastaśuddhiṃ vidhāyai bhojanapātrāṇi prakṣālya hastaprakṣālanajalaṃ jalapātraprakṣālanajalaṃ ca śucau
deśe tattatpātramaṇḍale vā kṣipet | tataḥ pāṇihomaḥ | ghṛtāktamannamādāya