Shraddhamanjari (Bapubhatta Kelakara) 5.3.3

5.3.3

dakṣiṇaṃ pādaṃ jānuṃ vā spṛṣṭvā'smatpitṛpitāmahaprapitāmahānāmamukaśa0
asmanmātāmahamātuḥpitāmaha0 sapatnīkānāṃ darśaśrāddhe purūravārdravasaṃjñakaviśvadevārthaṃ tvayā kṣaṇaḥ karaṇīya iti taṃ prati vadet | oṃtatheti vipro yajamānaṃ prati vadet | evaṃ dvitīyasya | iti viśvadevārthaṃ dvau
viprau nimantrayet| api vā'dyakariṣyamāṇadarśaśrāddhe purūravārdrava0 kṣaṇaḥ
karaṇīya iti nimantrayet | tataḥ prācīnāvītyudaṅmukhasya viprasya savyaṃ
pādaṃ jānuṃ vā spṛṣṭvā'dyakariṣyamāṇadarśaśrāddhe'smatpituramukaśarma0 sapatnīkasya sthāne0 karaṇīya iti taṃ vadet | oṃ tatheti prativacanam
evaṃ pitāmahaprapitāmahayormātāmahavargasya ca, evamaṣṭau brāhmaṇānnimantrya yajñopavītī sarvānprārthayet | akrodhanaiḥ0kāriṇā | iti nimantraṇānantaramṛgvedino viprā upahvaye su0 pravocamityūcaṃ paṭheyuḥ | yajurvedinastu ābrahmanbrāhmaṇo0 yogakṣemo naḥ kalpatāmiti paṭheyuḥ | tataḥ kartā
pākasiddhyanantaraṃ nimantritānviprāṃnāhūya pratyutthānādinā satkṛtya teṣāṃ
śmaśrukarmādisnānāntaṃ kārayet | tato madhyāhne darśaśrāddhāṅgatarpaṇaṃ kuryāt
tadyathā nadyādau snātvā tīraṃ samāgatya vāsaḥ paridhāya darbhāsana upaviśyā''camya pavitrapāṇiḥ prāṇānāyamya deśakālau0 prā0 adyakariṣyamāṇadarśaśrāddhāṅgatvena pitṛtarpaṇaṃ kariṣya iti saṃ0 savyaṃ jānvācya dakṣiṇahaste darbhānnidhāya savyahastenānvārabdhena dakṣiṇena pāṇinā pitṛtīrthenāgneyyābhimukhaḥ śucisthale darbhānāstīrya teṣu tilaimiśritajalena tarpayet
asmatpitaraṃ0 śarmāṃṇaṃ0 go0 vasurūpaṃ sapatnīkaṃ svadhā namastarpayāmi 1