Shraddhamanjari (Bapubhatta Kelakara) 5.3.6

5.3.6

pādyaṃ svāhā nama iti granthirahitapavitrakasahitena pāṇinā ghṛtāktapādayoryavodakaṃ dattvā śaṃ no devī0 tu na iti dakṣiṇabhāgasthitabhāryāsrāvitenānyena śuddhodakena maṇḍale pādau prakṣālyābhivandayet | nātra viprapādādhaḥkṣālanam | evaṃ dvitīye | tataḥ prācīnāvītī dakṣiṇamaṇḍalasamīpe prāgdakṣiṇāmukha upaviśya maṇḍalāddakṣiṇata udaṅmukhopaveśitasya
pitṛsthānīyaviprasya pādau maṇḍale nidhāya, asmatpitaramukaśarmannamukagotra
vasurūpa sapatnīkedaṃ te pādyaṃ svadhā nama iti pūrvavattilodakaṃ dattvā śaṃ no
devīriti pūrvavatprakṣālyābhivandayet | evamitareṣāmasmatpitāmahetyādi
yajñopavītī daivikamaṇḍalāduttarato brāhmaṇāndvirācāmya 1pūrvaṃ pavitre
tyaktvā pādau prakṣālya dvirācamyānthe pavitraṃ dhārayet | ācamanodakena
pādaprakṣālanodakasaṃsargo yathā na bhavettathā''camanaṃ kartavyam | tato
brāhmaṇaiḥ saha śrāddhabhūmimāgatya daive prāgagrakuśadvayasahitakambalādyāsanadvayamupakalpya pitrye dakṣiṇāgraidarbhatrayasahitānyāsanānyupakalpayet | tato
vāmahastenā''sanaṃ dhṛtvā dakṣiṇena brāhmaṇadakṣiṇahastaṃ gṛhītvā bhūrbhuvaḥ
svaḥ samādhvamityāsane upaveśayet | evaṃ mantrāvṛttyā prāṅmukhāvudaksaṃsthau
vaiśvadevikaviprāvupaveśya prācīnāvītī pūrvavadudaṅmukhānprāksaṃsthānmamaite
pitara iti dhyāyanpitryabrāhmaṇānupaveśayet | susamārabdha iti prativacanam | tataḥ prativipraṃ śvetasūtravartisaṃyuktamavicchinnaṃ tailadīpaṃ sthāpayet
prācī0 atra nīvībandhanam | tadyathā | uttarīyavastrāñcaladaśāntaṃ kuśātilasahitaṃ parihitavastradakṣiṇakaṭisaṃlagnabhāgena saṃveṣṭyāvaśiṣṭottarīyadaśeṇa