Shraddhamanjari (Bapubhatta Kelakara) 6.1.1

6.1.1

iti pañcaviṃśatidevatā
āvāhya ṣoḍaśopacāraiḥ pūjayet | tato mātṛkāprītaye yugmānbrāhmaṇānbhojayedāmānnāni vā dadyāt | iti mātṛkāpūjanam
atha nāndīśrāddham | kartā yajñopavītī prāṅmukha ācamya pavitrapāṇiḥ prāṇānāyamya deśakālau saṃkīrtya dakṣiṇaṃ jānvācya mātṛpitāmahīprapitāmahyaḥ, nāndīmukhāḥ pitṛpitāmahaprapitāmahā nāndīmukhāḥ, mātāmahamātuḥpitāmahamātuḥprapitāmahāḥ sapatnīkā nāndīmukhāḥ,
etānuddiśya kariṣyamāṇāmukkakarmāṅgattvena vihitaṃ sadaivaṃ sapiṇḍamannena
haviṣā nāndīśrāddhamadya kariṣya iti saṃkalpya brāhmaṇānnimantrayet
svayamudaṅmukhaḥ prāṅmukhopaviṣṭasya viprasya dakṣiṇaṃ jānuṃ spṛṣṭvā,
asminnāndīśrāddhe satyavasusaṃjñakānāṃ viśveṣāṃ devānāṃ nāndīmukhānāṃ
sthāne tvayā kṣaṇaḥ karaṇīyaḥ | oṃ tatheti vipraḥ | evaṃ dvitīyasya
iti vaiśvadevārthe dvau nimantrayet | sarvatreṣṭiśrāddhe karmāṅgaśrāddhe ca kratudakṣasaṃjñakānāṃ viśveṣāṃ devānāṃ nāndīmukhānāmullekhaḥ | asminnāndīśrāddhe nāndīmukhānāṃ mātṛpitāmahīprapitāmahīnāṃ sthāne tvayā kṣaṇaḥ
karaṇīyaḥ | oṃ tatheti | mātṛvarge dvau nimantrayet | asminnāndīśrāddhe nāndīmukhānāṃ pitṛpitāmahaprapitāmahānāṃ sthāne tvayā kṣaṇaḥ
karaṇīyaḥ | iti pitṛvarge dvau | asminnāndīśrāddhe nāndīmukhānāṃ
mātāmahamātuḥpitāmahamātuḥprapitāmahānāṃ sapatnīkānāṃ sthāne tvayā
kṣa0 | iti mātāmahavarge dvau nimantrayet | evamaṣṭau brāhmaṇānnimantrayet
tataḥ kāle nimantritānviprānsamāhūya teṣāṃ maṅgalasnānādi kārayitvā
svayamācamya prāṇānāyamya deśakālau saṃkīrtya mātṛpitāmahīprapitāmahyaḥ,