Shraddhamanjari (Bapubhatta Kelakara) 6.1.28

6.1.28

dattvā sati saṃbhave kaṇṭhasūtrādinānālaṃkārāndadyāt | mātaraḥ prīyantāmiti bhavanto bruvantu | uttiṣṭhata mātaro viśvedevaiḥ saha | anena mātuḥ
pratyābdikaśrāddhayajñena bhagavānmātṛsvarūpī0 ityūhaḥ | anyatsarvaṃ pitṛśrāddhavat | tarpaṇe'smanmātaramityādyūhaḥ | sadhavāyā māturmṛtāyāḥ śrāddhaṃ
jīvatpitṛkeṇāpi sapiṇḍakaṃ kāryaṃ vacanāt | sāpatnamāturapi tathaiva
tarpaṇaṃ tu tilarahitaṃ kevalajalena kāryam | śuklatilairiti kecit | evamevāputrāyāḥ sāpatnamātuḥ śrāddhaprayogaḥ | tatra mātṛsthāne sāpatnamāturullekhaḥ | asmatsāpatnamātṛpitāmahīprapitāmahīnāmityādi | evaṃ pitāmahyādiśrāddheṣvapi | patnīśrāddhe tu asmatpatnīmātṛpitāmahīnāmityuccāraṇam | mātāmahaśrāddhe'smanmātāmahamātuḥpitāmahamātuḥprapitāmahānām | pitṛvyaśrāddhe'smatpitṛvyapitāmahaprapitāmahānām | mātulaśrāddhe
mātulamātāmahamātuḥpitāmahānām | bhrātṛśrāddhe bhrātṛpitṛpitāmahānāmityādi saṃkalpādau tattadvibhaktyoccāraṇam | vidhistu pitṛśrāddhavat
ūhapadeṣu pitrādisthāne mātāmahādiśabdaḥ prayojyaḥ | mayūre dakṣaḥ—
jyeṣṭhabhrātṛpitṛvyeṣṭhasapatnīmātarastathā
eteṣāṃ ca mṛtāhe tu pare'hani tilodakam || iti
athānvārohaṇaśrāddhaprayogaḥ | śrāddhadine pitṛśrāddhārthaṃ mātṛśrāddhārthaṃ ca
pākadvayaṃ saṃpādyā''pattāvodanabhedamātraṃ kṛtvaikainaiva pākena vā'parāhne deśakālakathanānte'smatpitṛpitāmahaprapitāmahānāṃ śarmaṇāṃ gotrāṇāṃ vasurudrādityasvarūpāṇāmasmanmātṛpitāmahīprapitāmahīnāmukadānāṃ gotrāṇāṃ
vasurudrādityasvarūpāṇāñcaiteṣāṃ tṛptyarthaṃ pratyābdikaśrāddhaṃ sadaivaṃ sapiṇḍaṃ