Tirthacintamani 10.p13

10.p13

pūrvaṃ prācīndiśaṃ rājan rājarṣigaṇasevitām | ramyāṃ te kathayiṣyāmi yudhiṣṭhira yathāsmṛti || yasyāṃ girivaraḥ puṇyo gayo rājarṣisatkṛtaḥ | śivaṃ brahmasaro yatra sevitaṃ vidaśarṣibhiḥ || yadarthaṃ puruṣavyāghra kīrttayanti purā smṛtīḥ | eṣṭavyāḥ bahavaḥ putrā yadyeko'pi gayāṃ vrajet || uttārayati saptān daśapūrvān daśāvarān | mahānadī 'mahādevaṃstathā gayaśiro nṛpa || yatrāsau kīrtyate viprairakṣayyakaraṇo vaṭaḥ | tatra dattaṃ pitṛbhyo'nnamakṣayaṃ bhavati prabho || sā ca puṇyajalā tatra phalgunāmā mahānadī | bahumūlaphalā cāpi kauśikī bharatarṣabha || tathā lomaśatīrthayātrāyāṃtato mahīdharaṃ jagmurdharmajñenābhiracitam | rājarṣiṇā puṇyakṛtā gayenāpyupayujyate | saro gayaśiro yatra puṇyā caiva mahānadī || ṛṣijuṣṭaṃ mahāpuṇyaṃ tīrthaṃ brahmasaroruham || agastyo yatra bhagavān gato vaivasvataṃ prati | uvāsa satataṃ yatra dharmarājaḥ2 sanātanaḥ || sarbvāsāṃ saritāṃ yatra samudbhedī viśāṃ pate | yatra sannihito nityaṃ mahādevaḥ pinākadhṛk || tatra te pāṇḍavā vīrāścāturmāsyaistadejire | ṛṣiyajñena mahatā yaḥ so'kṣayyavaṭo mahān