Tirthacintamani 10.p3

10.p3

tattapastāpitā devā tadbadhārthaṃ hariṃ gatāḥ | śaraṇaṃ harirūce tān bhavitavyaṃ śi‍vārthibhiḥ1 | pātite'sya mayā dehe tathetyūcuḥ surā harim || kadācit śivapūjārthaṃ kṣīrābdheḥ kamalāni ca | ānīya kīkaṭe deśe śayanañcākarodvane || viṣṇumāyāvimūḍho'sau gadayā viṣṇunā hataḥ | ato gadādharo viṣṇurgayāyāṃ muktidaḥ sthitaḥ || tasya dehe liṅgarūpī sthitaḥ śukre2 pitāmaham | viṣṇurāhārtha3 maryādo puṇyakṣetraṃ bhaviṣyati || yajñaṃ śrāddhaṃ piṇḍadānaṃ snānādi kurute tu yaḥ | sa svargaṃ brahmalokañca gacchena narakaṃ naraḥ || gayātīrthaṃ paraṃ jñātvā yāgañcakre4 pitāmahaḥ || brāhmaṇān pūjayāmāsa ṛtvijaḥ samupāgatān | nadīṃ rasavatīṃ sṛṣṭvā sthitāṃ vyāpya diśaṃ tathā5 || bhakṣya bhojyaphalānāñca kāmadhenuṃ tathā'sṛjat | pañcakrośaṃ gayātīrthaṃ brāhmaṇebhyo dadau prabhuḥ || dharmyāyāge tu lobhādvai pratigṛhya dhanādikam | sthitā viprāstadā śaptā gayāyāṃ brahmaṇā tataḥ