Tirthacintamani 11.p10

11.p10

oṃ ye ca vo ye cāsmākhāsan yāśca vo yāścāsmākhāsan te cāvādyāntāṃ tāśvāvāhyantām | tṛpyantu bhavantastṛpyantu bhavatyastṛpyata gotrān putrānabhitarpayantīrāpo madhumatīrimāḥ | svadhāṃ pitṛbhyo'mṛtaṃ duhānā āpo devīrabhayāstṛpyantu | tṛpyata tṛpyata tṛpyateti | tataḥ praṇipatya oṃ pitrādayaḥ kṣamadhvamiti tān visṛjet | tataḥ savyenācamya kṛtāñjaliḥ— oṃ sākṣiṇaḥ santu me devā brahmeśānādayastathā | mayā gayāṃ samāsādya pitṝṇāṃ niṣkṛtiḥ kṛtā || ha āgato'smi gayāṃ deva pitṛkārye gadādhara | tvameva sākṣī bhagavānanṛṇo'hamṛṇatrayāt || iti prāṅmukhaḥ paṭhet | etāvatkriyākalāpāśaktau pretaśilāyāṃ piṇḍadānamapi kartavyam | tadyathā,— oṃ adyāmukagotrāṇāṃ pitṛ-pitāmaha-prapitāmahānāmamukāmukaśarmaṇāmamukagotrāṇāṃ mātṛ pitāmahī-prapitāmahīnāmamukāmukadevīnām amukagotrāṇāṃ mātāmaha-pramātāmaha-vṛddhapramātāmahānāmamukāmukaśarmaṇām amukagotrāṇāṃ mātāmahī-pramātāmahī-vṛddhapramātāmahīnāmamukāmukadevīnāṃ pretatvavimuktikāmaḥ pretaśilāyāṃ piṇḍadānamahaṃ kariṣye