Tirthacintamani 11.p9

11.p9

ye me kule luptapiṇḍāḥ putradāravivarjjitāḥ | kriyālopagatā ye ca jātyandhāḥ paṅgavastathā || virūpā grāmagarbhāśca jñātā'jñātāḥ kule mama | teṣāṃ piṇḍo mayā datto'kṣayyamupatiṣṭhatām || (18) ā brahmaṇo ye pitṛvaṃśajātā mātustathā vaṃśabhavā madīyāḥ | kuladvaye ye mama dāsabhūtā bhṛtyāstathaivāśritasevakāśca || mitrāṇi sakhyaḥ1 paśavaśca vṛkṣā dṛṣṭā hyadṛṣṭāśca kṛtopakārāḥ | janmāntare ye mama saṅgatāśca tebhyaḥ svadhā piṇḍamahaṃ dadāni2 || 16 || iti paṭhitvā oṃkārapūrvvamuccāryya apasavyena kathitapramāṇakānūnaviṃśatipiṇḍān pratyekaṃ dadyāt | iti— strīṣoḍaśyāntu— asmatkule mṛtā ye cetyāvāhanamantrādārabhya mitrāṇi sakhya iti paryyantaṃ sambhavatstrīliṅgamūhanīyam, anyattu puṃṣoḍaśīvat sarvvam | tataḥ sarvveṣu piṇḍeṣu tilajalapūrṇapātreṇa pradakṣiṇaṃ vāratrayaṃ pariṣecanaṃ kāryyam | tatra mantraḥ—