Tirthacintamani 13.p21

13.p21

pūto bhavatītyupakramya evameva phalgutīrthe uttaramānase mataṅgavāpyāmiti viṣṇuvacanāt | tatastatra snāna-tarpaṇe kṛtvā oṃ adyādyayapitṛtṛptikāmo mataṅgavāpyāṃ śrāddhamahaṅkariṣye, iti saṅkalpya prakṛtapārvvaṇaṃ kṛtvā mataṅgavāpyā eva uttaradigavasthitaṃ mataṅgeśaṃ natvā — oṃ pramāṇaṃ devatāḥ santu lokapālāśca sākṣiṇaḥ | 'mayāgatya mataṅge'smin pitṛṇāṃ niṣkṛtiḥ kṛtā || iti paṭhitvā — oṃ pitṛtaraṇakāmaḥ kūpa-yūpayormadhye śrāddhamahaṃ kariṣye iti saṅkalpya pārvvaṇaṃ kuryyāt | kūpaścaika etadvāpyā āgneyakoṇa-cettamadhye'vaṭarūpo'sti tattīre ca śrāddhaṃ piṇḍadānaṃ vā patitasyāpi kintu tatra garbhahantṛ-gurutalpaga ityevaṃ nirdeśaḥ kāryyaḥ| tato dharmmaṃ dharmmeśvaraṃ mahābodhitaruñca yathākramaṃ svargakāmo namediti | iti pañcatīrthīdināgrimadinakṛtyam | atha pañcatīrthīdinottaratṛtīyadinakṛtyam | tatra vāyupurāṇe, tṛtīye brahmasarasi śrāddhaṃ kuryyāt sapiṇḍakam | snānaṃ karomi tīrthe'smin ṛṇatrayavimuktaye