Tirthacintamani 13.p22

13.p22

śrāddhāya piṇḍadānāya tarpakāyātmaśuddhaye | tatkūpa-yūpayormadhye kurvvaṃstārayate pitṝn || snānaṃ katvocchrito yūpo brahmaṇo yūpa ityataḥ | natvā brahmasaraḥśrāddhaṃ brahmalokaṃ nayet pitṝn || gopracārasamīpasthā āmrā brahmaprakalpitāḥ | teṣāṃ secanamātreṇa pitaro mokṣagāminaḥ || āmraṃ brahmaśirodbhūtaṃ sarvvadevamayaṃ vibhum | viṣṇurūpaṃ prasiñcāmi pitṝṇāñcaiva muktaye || āmrāśca siktāḥ pitaraśca tṛptāḥ 'ekakriyā dvyarthakarī prasiddhā | āmrasya mūle salilaṃ dadhāno nopekṣaṇīyo vibudhairmanuṣyaḥ || yūpaṃ pradakṣiṇīkṛtya vājapeyaphalaṃ labhet | brahmāṇañca namaskṛtya pitṝn brahmapuraṃ nayet || oṃ namo brahmaṇe'jāya jagajjanmādikāriṇe | bhaktānāñca pitṝṇāṃ hi tārakāya namo'stu te || tato yamabaliṃ dittvā mantreṇānena saṃyataḥ | yamarāja-śśamarājau nityalārthaṃ hi saṃsthitau || tābhyāṃ baliṃ prayacchāmi pitṝṇāṃ muktihetave | tataḥ śvānabaliṃ dadyāt mantreṇānena nārada