Tirthacintamani 13.p28

13.p28

tatra viṣṇupadaṃ divyaṃ darśanāt pāpanāśanam | spardhanāt pūjanāccaiva pitṝṇāṃ 1mokṣadāyakam || śrāddhaṃ sapiṇḍakaṃ kṛtvā kulasāhasramātmanā | viṣṇulokaṃ samuddhṛtya nayet viṣṇupade naraḥ || śrāddhaṃ kṛtvā rudrapade nayet kulaśataṃ naraḥ | 2sahātmanā śivapuraṃ tathā brahmapade naraḥ || brahmalokaṃ kulaśataṃ samuddhṛtya nayet pitṝn | dakṣiṇāgnipade śrāddhī vājapeyaphalaṃ labhet || gārhapatyapade śrāddhī rājasūyaphalaṃ labhet | śrāddhaṃ kṛtvāhavanīye vājimedhaphalaṃ labhet || śrāddhaṃ kṛtvā satyapade jyotiṣṭomaphalaṃ 3labhet | āvasathyapade śrāddhī somalokamavāpnuyāt || śrāddhaṃ kṛtvā candrapade candralokaṃ nayet pitṝn | śrāddhī sūryyapade paśca pāpino'rkapuraṃ nayet || sarveṣāṃ kāśyapaṃ śreṣṭhaṃ viṣṇo rudrasya vai padam | brahmaṇaśca padañcāpi śreṣṭhaṃ tatra prakīrttitam || prārambhe ca samāptau ca teṣāmanyatamaṃ smṛtam | śreyaskaraṃ bhavettatra śrāddhakarttuśca nārada