Tirthacintamani 13.p29

13.p29

kaśyapasya pade divye 'bharadvājamuniḥ purā| śrāddhaṃ katvodyato dātuṃ pitrādibhyaśca piṇḍakam || śukla-kṛṣṇau tato hastau padamudbhidya nirgatau | dṛṣṭvā hastadvayaṃ tatra pitṛsaṃśayamāgataḥ || tataḥ svamātaraṃ śāntāṃ bhāradvājastu pṛṣṭavān | kaśyapasya pade kasmin śukle kṛṣṇe'thavā kare| piṇḍo deyo mayā mātarjānāsi pitaraṃ vada || śāntovāca - bhāradvāja mahāprājña piṇḍaṃ kṛṣṇāya dehi bho | bhāradvājastataḥ piṇḍaṃ dātuṃ kṛṣṇāya codyataḥ || śveto'dṛṣṭyo'bravīt putraṃ dehi mahyaṃ mamaiaurasaḥ | kṛṣṇo'bravīt kṣetrajastvaṃ tato me dehi piṇḍakam || śuklo'bravīt svairiṇīya yato'tastvaṃ mamaiaurasaḥ | 4svairiṇī tvabravīdādau kṣetriṇe bījine tataḥ || bhāradvājastataḥ piṇḍaṃ kaśyapasya pade dadau | haṃsayuktena yānena brahmalokamubhau gatau | bhīṣmo viṣṇupade śreṣṭhe śrāddhaya tu pitṝn svakān || śrāddhaṃ kṛtvā vidhānena piṇḍadānāya codyataḥ | piturvanirgatau hastau gayāśirasi śāntanoḥ