Tirthacintamani 13.p50

13.p50

kriyate tadā'pyevameva saṅkalpaḥ | piṇḍadānantu svasūcoktavidhinā kāryyam | tato'kṣayavaṭaṃ gatvā tanmūlasahite ācārāduttaradigbhāge-oṃ adya pitṝṇāmakṣayatṛptikāmo'ccayavaṭe śrāddhamahaṃ kariṣye— iti saṅkalpya tatra śrāddhaṃ kuryyāt | tata oṃ pitṛbrahmalokanayanakāmo brahmaprakalpitān brāhmaṇānahaṃ bhojayiṣye | iti saṅkalpya tān caun bhojayet | tadalābhe brāhmaṇāntaramapi | oṃ adya koṭibrāhāṇabhojanajanyaphalasamaphalaprāptikāmo'ccayavaṭe ekaṃ brāhmaṇamahaṃ bhojayiṣye | iti saṅkalpya tacaikaṃ brāhmaṇaṃ bhojayet | taduktaṃ vāyupurāṇe—akṣayavaṭaprakaraṇe-ekasmin bhojite vipre koṭirbhavati bhojitā | iti | tata oṃ adya pitṛbrahmalokanayanakāmo vaṭeśadarśanamahaṃ kariṣye | iti saṅkalpya vaṭeśaṃ pratimārūpaṃ paśyet | anenaiva krameṇa natiṃ pūjāñca kuryyāt | tathā tatraiva— upoṣito'tha gāyatrītīrthe mahānadīsthite1 | gāyatryāḥ purataḥ snātaḥ prātaḥ sandhyāṃ samācaret || śrāddhaṃ sapiṇḍakaṃ kṛtvā nayedbrahmamyatāṃ kule2 | tīrthe sa mucyate snātvā sāvitryāḥ purato naraḥ || sandhyāmupāsya madhyāhne nayet kulaśataṃ divam | prācī-sarasvatīsnātaḥ sarasvatyāstato'grataḥ