Tirthacintamani 13.p51

13.p51

sandhāmupāsya sāyāhne nayet sarvvajñatāṃ kulam | bahujanmakṛtāt sandhālopāmuktāstisandhyakṛt || viśālāyāṃ lelihāne tīrthe ca bharatāśrame | padāṅkite muṇḍapṛṣṭhe gadādharasamīpataḥ || tīrthe cākāśagaṅgāyāṃ girikarṇamukheṣu ca | 'śrāddhadaḥ piṇḍado brahmalokaṃ kulaśataṃ nayet || strāto godāvaitaraṇyāṃ niḥsaptakulamuddharet | devanadyāṃ gopracāre śrāddhadaḥ kharnayet pitṝn || puṣkariṇyāṃ ghṛtakulyā madhunulyāṃ tathaiva ca | puṣkaraṇyāṃ gadālole tīrthe ca makare 'tathā || koṭitīrthe rukmakuṇḍe' piṇḍadaḥ kharnayet pitṝn | mārkaṇḍeyeśa-koṭīśau natvā syāt pitṛtārakaḥ || pāṇḍuśilāṃ prastutya tatraiva - yudhiṣṭhirastu tasyāṃ hi śrāddhaṃ karttuṃ yayau mune | śilāyāṃ piṇḍadānena prahṛṣṭo vyāsanandanaḥ || varaṃ dadau svaputrāya rājyaṃ kuru mahītale | akaṇṭakantu sampūrṇaṃ tvaṃ me trātā'si putraka | svargaṃ vraja śarīreṇa bhrātṛbhiḥ parivāritaḥ || dṛṣṭimātreṇa sampūtān narakasthān divaṃ naya | ityuktā prayayau pāṇḍuḥ śāśvataṃ padamavyayam