Tirthacintamani 13.p52

13.p52

ghṛtakulyā madhukulyā devikā ca mahānadī || śilāyāṃ saṅgatā tatra madhusravā prakīrttitā | ayutaṃ hyaśvamedhānāṃ snānallabhate naraḥ || tarpayitvā pitṛgaṇaṃ kṛtvā śrāddhaṃ sapiṇḍakam | sahasrakulamuddhṛtya nayedviṣṇupadaṃ naraḥ || udbhijñāḥ svedajā vā'pi hyaṇḍajā ye jarāyujāḥ | madhusravāṃ samāsādya mṛtā viṣṇupuraṃ yayuḥ || daśāśvamedhike haṃsatīrthe 1śrāddhāddivaṃ nayet | daśāśvamedha-haṃsau ca natvā śivapuraṃ vrajet || mataṅgasya pade śrāddhakṛd brahmalokabhāk | nirmathyāgnīn śamīgarbhe vidhivim̐ṣṇvādibhiḥ saha || lebhe tīrthantu yajñārthaṃ triṣu lokeṣu viśrutam | makhasaṃjñaṃ hi tattīrthaṃ pitṛṇāṃ muktidāyakam | tarpaṇāt piṇḍadānācca snānanmuktimāpnuyāt || pitṝn svargaṃ nayennatvā rāmeśāṅgārakeśvarau | 2gadākūpe piṇḍadānādaśvamedhaphalaṃ labhet || tasmāt kūpād bhasmanā'tha snānāttārayate pitṝn | dhautapāde niḥcīrāyāḥ3 saṅgame snānakṛnnaraḥ || śrāddhī nāma puṣkariṇyāṃ brahmalokaṃ nayet pitṝn