Tirthacintamani 13.p56

13.p56

yasmai piṇḍo mayā dattastvāmuddiśya janārddana | dehi deva gayāśīrṣe tasmai tasmin mṛte śubham1 || janārddana namastubhyaṃ namaste pitṛrūpiṇe | pitṛpate namastubhyaṃ namaste muktihetave || gayāyāṃ pitṛrūpeṇa svayameva janārddanaḥ | taṃ dṛṣṭvā puṇḍarīkākṣaṃ mucyate ca ṛṇatrayāt || namaste puṇḍarīkākṣa ṛṇatrayavimocana | lakṣmīkānta namaste'stu namaste pitṛmokṣada || puṇḍarīkākṣamabhyarcya svargaḥ syājjanārddana | vāmajānu susampātya natvā bhīmo janārddanam || śrāddhaṃ sapiṇḍakaṃ kṛtvā bhrātṛbhirviṣṇulokabhāk | śilāyāṃ vāmapāde2 tu pretakūṭo giridhṛtaḥ || dharmarājena pāpākhyo giriḥ pretaśilāśrayaḥ | pādena dūre nikṣiptaḥ śilāyāḥ pretabhārataḥ3 || pretā dyāmuṣkarūpeṇa karagrahaṇakārakāḥ4 | 5pṛthaksthitāśca bahavo vighnakāriṇa eva ca || śrāddhādikaraṇaṃ nṛṇāṃ tīrthe pitṛvimuktidam | gataḥ śilāṅghrisamparkāt pretakūṭaḥ pavitratām | pretakuṇḍastu tatrāste devāstatra pade sthitāḥ