Tirthacintamani 13.p57

13.p57

śrāddhapiṇḍādikaṃ snātaḥ pretatvānmocayet pitṝn | kīkaṭeṣu gayā puṇyā puṇyaṃ rājagṛhaṃ vanam || cyavanasyāśramaḥ puṇyo nadī puṇyā punaḥpunā | vaikuṇṭho lohadaṇḍaśca girikūṭaśca śobhanaḥ 1 || śrāddhapiṇḍādikṛttatra pitṝn brahmapuraṃ nayet | śilādakṣiṇapāde tu gṛdhrakūto gitirdhṛtaḥ || dharmarājena susthairyyakaraṇāyāśu pāvanaḥ2 | gṛdhrarūpeṇa saṃsiddhāstapaḥ kṛtvā maharṣayaḥ || ato girigṛdhrakūṭastatra gṛdhreśvaraḥ śivaḥ | dṛṣṭvā gṛdhreśvaraṃ snātvā yāti śambhoḥpadaṃ naraḥ || tatra gṛdhravaṭaṃ natvā prāptakālo divaṃ vrajet | ṛṇamocaṃ pāpamocaṃ śivaṃ dṛṣṭvā śivaṃ vrajet || ādipādena giriṇā ākrāntaśca śilodaram | tatrāste gajarūpeṇa vighneśyo vighnanāśanaḥ || taṃ dṛṣṭvā mucyate vighnaiḥ pitṝn śivapuraṃ nayet | gāyatrīñca gayādityaṃ snāto dṛṣṭvā divaṃ vrajet || brahmāṇaṃ cādipādasthaṃ dṛṣṭvā syāt pitṛtārakaḥ | nābhau ca piṇḍado yastu pitṝn brahmapuraṃ nayet || nitambe muṇḍapṛṣṭhasya aravindavanamnabhūt | muṇḍapṛṣṭhāravindādrī dṛṣṭvā pāpaṃ vināśayet